منتديات الوئام - عرض مشاركة واحدة

28 / 01 / 2004, 26 : 03 PM

اخواني

1:- الوافي ( مدير عام المنتدى ) |44|

2:- الحسام ( مدير منتدى الشعر والأدب ) |44|

3:- السيف (المشرف العام لمنتدى الشعر والأدب ) |44|

4:- ريوف ( مدير منتدى الجرافيكس ) |48|

اسعدني وشرفني مروركم الكريم وإعطاء مشاركتي جزء من وقتكم إللي انا متأكده انه ثمين |88|

بس عاد بقولكم شئ بخاطري ولا تشرهون على ...................... ( بسوي نفسي مسيكينه ) |123|

كنت دايم ادخل المنتدى واجلس اقراء المشاركات وكان ودي ارد على بعض المشاركات لكن كنت اتردد واقول يمكن سكوتي احسن من ردي السكوت من ذهب وما كان ودي لا اجامل احد واقوله ايه هذا الابداع والا فلا وانا اصلاً ماني مقتنعه . ولا كان ودي اجرح احد بردي على مشاركته وهو يكون منتضر يشوف الردود ويسمع المديح له على مشاركته وكأنه جاب راس غليص . ويروح يحبط ويصير عنده عقده ويكره كل المنتديات ويصير ماعاد يشارك ولا حتى بريال فلسطين .................................

اوف انا شكلي نسيت نفسي سامحوني اخواني بس انتوا يا مدراء المنتدى اللي رديتوا عليّ (ردودكم حسيت فيها عين حمرا ) كان ودي تكون اول مشاركه لي زينه |79| بس عاد شسوي مو بيدي |61| وصدقوني اللي انا كتبته هو الحاصل وعلى فكره ترا الأمثله كثيره يعني انا ممكن ابيّن الابيات المكسوره واللي ماهي موزونه واللى ( يكتب قصيده تكون بدايتها فعلا قويه قويه قويه وتخليك تقول الله على الابداع ويوم تقرا اخر الأبيات تقول مستحيل اللي كتب البدايه هو اللي كتب النهايه ) |85|
أنا ادري إن الكمال لله سبحانه وتعالى ولا كنت ابي كل اللي كتبوا قصايد تكون قصايدهم روووووعه لكن ما نجاملهم عشان هم المتضررين من هالمجاملات واحنا اللي نخسر إبداعاتهم |148|

والله والله والله ماكان قصدي التجريح لشخص معين ولكن كان ودي يكون ردنا علي اي مشاركه حسب جودتها وصدقوني النقد اللي من غير تجريح ما يحتاج له مدرسه عشان الواحد يقدر ينقد نقد بناء اي انسان مهتم وغيور يقدر يقول نقاط الضعف والقوه

في الختام اخواني بقولكم شي ( There is no rose without a thorn)

الرّأي قبل شجاعة الشجعان **** هو أولٌ وهي المحل الثاني

فإذا هُما اجتمعا لنفسٍ حُرّة **** بلغت من العلياءِ كُل مكان

ولرُبما طعن الفتى أقرانه **** بالرّأي قبل تطاعن الأقران

ودمتم