آخر ماكتبت .. أتمنى أن تنال بعض إستحسانكم
.
.
سوّ الذي يرضيك واللي تودّه=في قلب مضنونك .. ولاتستشيره!!
عدّه حلالك ياهوى القلب عدّه=أحرقه وولّع فيه جمر السعيره!!!
إبنه .. وإلا ماأعجبك بنيه .. فهدّه=ثم إرجع إبنه وأسكنه ياعشيره!
دامه يبيك أخذه وحاذر تردّه=خلّه معك في شر وقتك وخيره!!
يهواك .. لاوالله يعشْقك وودّه=يصبح أسيرك وأنت تصبح أسيره!
دامه يعدّك غايته يامودّه=عدّه حبيب القلب وعدّه أميره!
من قبل يعرفك .. بيّح الوقت سدّه=لين عرفك .. طرْب البصر والبصيره!!
ومهما يحس إنك لجرحه تشدّه=يقوول جرحك يامنى الروح خيره!!
وإن جاك هرجٍ من عذولٍ .. فـ لدّه=لا لا يهمّك قلّ هرج وكثيره!
وإن زاد في هرجه .. توكّل وهدّه=وأبعد مسيرك لايجي في مسيره!
تعال وإلك الحب .. وإلك المودّه=ياباهي الطلـّه .. نظيف السريره!!