يا زمان اشهد و اشهد يا زمان= منهو اللي علم الثاني الحنين
قبل اعرفه كيف كنت و كيف كان = بعدها شف صار وين و صرت وين
أنا بعدي ناطر بنفس المكان = أحسب الساعه و أثريها سنين
طفلة مرت بتاريخي عشان = يكرم التاريخ كله لأجل عين
أتذكر وقتها الصبح استدان = وجهها و أصبحت صبح العاشقين
و أتذكر من مضاربها ثمان = طعنتين و طعنتين و طعنتين
صوبتني وين !! في هذا المكان .... = صوبتني لايسار و لا يمين ..!!
قلت و أعصابي يغذيها امتحان = ثورة الرغبه و صمت الحالمين
هزى عروقي شقا و إلا حنان = و أقطفي من كل عرق تشتهين
علميني كيف شكل الزعفران = لا تفتت من سلامك باليدين
و علميني وش يخلي الشمعدان = ينشر شموعه على صبح الجبين
و علميني وش بقى للخيزران = لا تثنيتي و هو حاول يلين
و علميني من عطا عيونك امان = تحتوينا في سلام أمنين
ما تعنيت و تعبت إلا عشان = كل قاسي في محبتكم يلين
من رضى بالشمس ما يرضى الطمان = و أنت محبوبي و سيد العارفين
شايف جرحي معك شوف العيان= مايبي له حلف و الا مشككين
مبتدى فيني و أنا عمري ثمان = لين وصلته حدود الأربعين