هذه الكلمات تمردت على قواعد الوزن والقافية في الشعر
اعتبروها ( كلمات متقاطعة )
عسى أن تتحملوها .. ويتحملها منتدى الأدب والشعر
. . . . .
( صدفة )
جتني على غير موعد تسبق خطاويها
جتني وأنا احسبها شخص عادي من الناس مار
جتني وشدت يدي وضمتها بين أياديها
تسحبني الخطوات معها من دون ما اختار
سألتها من أنتي ورفعت الصوت أناديها
من أنتي من أنتي وأشوف في نظراتها نار
تسفه ولا ترد ما كن أحداً يحاكيها
وتضغط على يديه ومن ضغطها دمي أنا فار
فجأة وقفت بي ورفعت لي غطاويها
بانت لي ملامحها .. وحسيت أن العقل طار
بانت لي عيون خلي برموشها اللي تغطيها
بانت لي دموعاً تهلها .. على خد حار
قالت وفي صوتها عبرة تبكيها
جيتك أدور عليك .. وتحديت الأخطار
سمعت أنا الدنيا عليك كثرة بلاويها
جيتك أواسيك .. وأتجرع معك الامرار
يا حسرة ً في نفسي عليك أداريها
يا حسرتي وأنا أشوفك .. تايه ومنهار
خلاص أنا نسيت الزعل وسواياك اللي تسويها
خلاص أنا نسيت هجرك .. وبقبل منك الأعذار
ما هانت العشرة وذيك الأيام ولياليها
ماهنت علي ولو طالت.. بيننا الأسفار
. . . .