.
السلام عليكم ياجماعة خير
قصيدة مستعجلة والعجلة من الشيطان لكن لا احد يلطم خاطرها
بكل الحب تحية وتقدير لاخوي العزيز ((فـــزاع))
.
اكذب عليك ان قلت لك ودي انساك=لاوالله الا هايم في خيالك
تبكي وانا ادري يوم تبكي وش ابكاك=تضحك وانا اللي عارف وش طرالك
وليا نزفة دمعه لمثلك وشرواك=تكفها بيديك لحظة وصالك
وش فيك تستاذن وانا كلي افداك=ماقلت لك ماعندك الا حلالك
قولة وحشتيني واحبك واهواك=لو قلتها حسيت شي بقالك
وان جيت اباصف في حروفي محياك=ابتمالك شي ما ينتما لك
تصدق ان القاع لاحس ماطاك=يمين ما يبغاك ترفع نعالك
حتى الجماد يحب قربك ولاماك=ما شفت عود الموز يوم انحنى لك
وتلومني وتقول لي فاغر فاك=وتضحك علي تقول يضحك عقالك
خليتني ضحكة عسى الله يهداك=اقوم واقعد كل ما جاء مجالك
كل يقول انشهد ان الله اعماك=متخيلين اني بدور بدالك
وانا ادله احيانا واحسبني انساك=مسكين اثرني هايم في خيالك
تحياتي للجميع
واعذروني في حلاوة العيد