هذا الهوى لا صفى جوّه=عوّدت الحن له الحاني
احسب الايام محلوّه=وغصن السعد مثمرٍ داني
لين اضرم بخافقي ضوّه=وذوّب من الهم شرياني
والصاحب اللي على الخوّه=وش فيه راح وتناساني؟
عايش على ليته ولوّه=و اقول لا حن لي جاني
ويلي على الغيث من نوّه=وويلي على صدره الحاني
تو الهوى يالغضي توّه=خلك معي والعمر فاني
عمرك ليا طال ياشوّه=والاولي يلحق الثاني
و الحب ماهوب بالقوّه=بالهون يارابع إخواني
بالهون واللي تبي سوّه=في يدك وصلي وحرماني