كبير!! يا حزني ولو صغروا الناس=اللي على قربك من أوّل عجوله!
وكريم!! كفك لا عطت ، دون مقياس=ما هي مثل كف السعاده ، خجوله!
قريبٍ أقرب من شفاهي للأنفاس=طويلٍ أطول من مدىً ما نطوله!!
طاهر من أحقاد ، وتفاهات ، وأنجاس=تشبه رذاذ الغيث لحظة هطوله!!
إن جيت ، قلبي في نواحيك عسـّاس=وإن رحت ، يشعب في طريقك ذلوله!
وإن بنيت قصور المحبه بلا ساس=تهدم ، وقصرك ماش شيِ ينوله..
في خافقي وأيضاً على العين والراس=هذا هو البنيان على أصوله!!
تكبر ، ويصغر كل حاسد وخنـّاس=وتحيا ، وتفنى كل نفسٍ عذوله!
وتبقى جميل ولا يجي مثلك إحساس=ما كنـّك إلا ذكريات الطفوله!!