منتديات الوئام - عرض مشاركة واحدة - من بغى الفرقا .. لقى له عذر وأسبـاب ودليـل ...

09 / 01 / 2008, 06 : 10 AM

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفـراق ابشـر عسـى عمـرك طويـل
لا تـردد وانـت لـك كلمـه ولـك امـراً مطـاع

لـي عليـك انـك تبـت بكلمتـن تشفـي الغليـل
ولك علي اني لأوقـف وقفـت الرجـل الشجـاع

لا تجاملني مخافة (قال )مـدري خـوف ( قيـل )
عمر هـرج النـاس لا يسمـن ولا يغنـي جيـاع

كان قصدك (سر ) حبـك أوعـدك لأصبـح بخيـل
واحمل اسرارك معـي للمـوت قـدر المستطـاع

بس قلها ؟؟ قل (ماحبك ) وابشـر بصبـراً جميـل
لا تحسبنـي مثـل مـن طبعهـم لـوي الــذراع

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـة طبـاع

فالهـوى مايقبـل الحـل الـوسـط والا القلـيـل
مثل ماهو لاشـراء يشـري وليامـن بـاع بـاع !!

ثابتـاً لـو هـي تميـل الارض تحـتـه مايمـيـل
يـدري ان الحـب ماهـو عيـب والدنيـا مـتـاع

ماعشق لـذة حياتـه كثـر عشـق ( المستحيـل )
ولا كـره حتـى مماتـه كثـر كـره الانصـيـاع

كم تعلـم مـن شديـد البـدو وش معنـى الرحيـل
وكم تعلم من غروب الشمـس وش معنـى الـوداع

وكم تعلم من سحاب الصيف وش معنـى الحصيـل
وكم تعلم مـن ليالـي البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت !! العالـم فجوجـه وسـاع

اعتبرنـي فـي بدايـة سكـتـك عـابـر سبـيـل
ورح وأنا قلبي معك مـن ويـن وجهـت الشـراع

يكفـي انـي لا ذكـرت بسالفـة عـشـاق قـيـل
( عاشر احبابه شجاع ... وفراق احبابـه شجـاع )

منقووووووولة

خالص تحياتي
اسطورة الخريف