منتديات الوئام - عرض مشاركة واحدة

18 / 03 / 2010, 41 : 06 PM

السلام عليكم ورحمة الله ربركاته

اخي العزيز اعلامي مبدع في اختيارك للكلمات وطريقة طرحك
تفاؤل كبير هو ما نشعر به تجاهك فسننتظر اطروحاتك ومشاركاتك

نجي للموضوع :
اشاركك فقط في نقطتين
الاولى وهي انو ما نشوف مساهمات من قطاع البنوك ينفع البلد كاعمال خيرية في اي قطاع كان رغم ما تملكه البنوك من اموال ضخمة وما ننكر انو لها مشاركات لكن مررررة قليلة
النقطة الثانية وهو شفطها للي في جيوب الغلابا

اما بقية النقاط فاخالفك فيها
انت عارف انو البنوك تجارة تسعى للربح زي زي اي قطاع تاني
ولازم يكونوا شطار في تسويق بضاعتهم والحق يتقال هم شاطرين في كدا
التدخل في الزام البنوك في التسامح عن حقوقها المالية والا التساهل فيها شي خيالي واصلا غلط
والسبب انو البنوك وضعها المالي مهم جدا لاقتصاد البلد واي تضرر لوضعها المالي قد يؤثر على اقتصاد البلد بصفة عامة

وبعدين اعزرني في قولتي : القانون لا يحمي المغفلين
لانها مقولة صحيحة وان كنت انا من هدولا المغفلين ....
خاصة في وضع البنوك هم مو زي مساهمات سوا والا البدقية والا الزئبق الاحمر
هم ما بيكدبوا عليك والا يخبوا ع العميل شي
هم دقيقين جدا وحساباتهم بالهللة والريال
وكل تعاملهم فلوس في فلوس ما عندهم شي تاني
يبيعوا فلوس بفلوس

هم عيبهم الوحيد جشعهم وتعاملهم بالربا غير كدا عداهم العيب
وهم طبعا اصحاب حقوق ما يقدروا يتنازلوا عن حقوقهم لانو دا شي خطير
الغلط زي ما انت قلت جشع المواطن وسذاجته يبغى يهب على وش الدنيا ونسي القناعة والرضا بالمكتوب فراح لهم ورضي فيهم

هم البنوك مساكين برضو زيهم زي الشعب
ممكن ينهاروا ويخسروا لو ما اشتغلوا بالشكل دا وتجارتهم اصلا ما تمشي الا بالطريقة الي هم يسووها

لازم احنا الي نفهم كدا وما ناخد اللقمة من فم الاسد

وسلامتك اخويا
انا طولت بس سامحني

الحجاج