منتديات الوئام - عرض مشاركة واحدة - أسلوب جميل للحفاظ علي سجاد المسجد ( صور )

23 / 03 / 2010, 32 : 11 PM

السلام عليكم ورحمة الله وبركاته

أنا ضد هذه الفكرة لما فيها من تمييز بين المصلين وبين الخلق
الأصل انو يجي الانسان للمسجد نظيف وبكامل نظافته حتى رائحته تكون زكية ما يكون ماكل بصل او ثوم لئلا يؤذي باقي المصلين والملائكة وليس حتى لا يتوسخ سجاد المسجد فالسجاد ليس له قيمة ابدا فالناس تصلي في الشوارع وعلى الارصفة في اوقات الزحمة طالما ان كل الارض جعلت لنا طهورا

لكن بهذه الطريق ان انتشرت في كل المساجد حيسير خلاص روتين ومن الزوق انو الي جاي وسخان وخاصة لو كانوا عمال ورش والا بلدية انهم ما يصلوا على سجاد المسجد ويستخدموا السجاد دا الي عند الباب
وتسير زي العرف في المجتمع وبعد كدا لو دخل واحد شغال في ورشة وما استخدم السجاد كل الناس حتسير تطل فيه وتتهامز وتتغامز عليه انو ما احترم المسجد وقاعد بيوسخ المسجد
ومو بعيد احد كبار السن يقوم يهزئه خاصة لو كان اجنبي كمان

غير كدا حتسير في فروقات ممكن واحد عادي يشوفه واحد تاني انو وسخان ولازم يستخدم السجاد دا

مرررررررررررررة ما اشجع الفكرة دي ابدا
وارجع اقول واذكر انو الاصل دخول المسجد بنظافة والمفروض توعية المسلمين بتطبيق الشي دا

قال تعالى " يا ايها الذين امنوا خذوا زينتكم عند كل مسجد "

وفي الاخير مشكور اخويا القروم على مجهودك التوعوي واطروحاتك الرائعة بصراحة نغبطك على غيرتك واسلوبك الدعوي

تقبل مداخلتي وشكري
الحجاج