يا مل قلبٍ هزه الشوق واهتز = قلبٍ قبل مافيه شيء يهزه
قلبٍ طليق وعاش عمره على عز = ليت الهوى خلاه يبقى بعزه
واليوم لاجاء طارئ الزين له فز = ويذوق طعم الموت مع كل فزة
يا اهل سميّه خلوا القلب يعتز = ياناس لاتنادونه بكل حزة
لا تجرّعون القلب موتٍ مركّز = امّركّز ويغلي على جمر جزة
الاسم هذا وسط قلبي معزز = كنّه يواشي جرح قلبي يوزه
ذاق الجفا قلبٍ عن الصبر يعجزّ = أقوى من اللي ذاقوا أطفال غزة
قلبٍ على شوفك ولاماك ملتز = وانته على حيف القطيعة تلزة
لا وفق الله من بهرج القفا وز = ولا وفق الله من على الشين وزه
وأنا لحد سلومنا ما اتجاوزّ = عرضي نزيه وهو عرضه منزه
لو اخذت الدنيا وجوده مبارزّ = تبطي عظم لأخذ الغلا والمعزة
عزي لقلبٍ هزه الشوق واهتز = سوات قلبي يوم شوقه يهزه