قصيدة اخرى لعادل الذيابي
البارحه ليلـي هجـد صمتـه البـوح
وقامـت تقـادح بالضميـر الطـواري
وسهرت اسامر هاجس اليأس والنوح
ومن الضلوع العـوج شبيّـت نـاري
كلي قصيد وحزن وآمال وجروح
وأحـلام هددهـا الزمـن بأنـدثـاري
قلت ابتدا ليل القهر وابعد الضـوح
وصبـح السعد مالـه بعينـي مـواري
تجبرني الفرقا على البوح وأبـوح
ويسريبي الهاجوس مـع كـل طـاري
عافت مصابيح الفرج ليل مشفـوح!
أخفى الزمن صبح الفرج مـن نهـاري
خوفي يرافق خطوتي ويـن مـاروح
والصبـر طـال وبهذلتـه المسـاري
عشت الخيـال بواقـعٍ كلـه جـروح
وتشابهـت كـل الـدروب بمـسـاري
الغربه اللي داخلي غربـة الـروح!
أحـس بالغربه وانـا وسـط داري
شح الزمان اللي ترك قلب مجـروح
ودنياي مـاردت علـيّ اعتـبـاري
دنيا يعيش بها من الناس ممدوح؟؟
مايوجعـه كثـر العتـب والـمـزاري
والا الوفي وجهه من الوقت ملفوح؟
دايم علـى صكـات الايـام ضـاري!
وين انت ياوجهٍ له القلب مفتـوح؟!
مثلـك يقـدّر وقفتـي.. وانكـسـاري
يوم اختلط ليلي هواجيس وجروح
جيتك على حـذف المقابيـس سـاري
هاك المشاعر جت على ذمة البـوح؟
في وقت من صدق الاحاسيس عـاري!
لاهنت ياعادل الذيابي لاهنت ...
راااقت لي كثيرا منذو مبطي