:
يدوخ راسي لا سمعت الفناجيل
ويطيب راسي لا تقهويت دلّه
الدلّه اللي تطبخ البن والهيل
اهي الدواء لا صار بالكيف علّه
في مجلسن قلّط زحول الرياجيل
مادار فيه العيب ماجاه خلّه
امشرعن بابه يجونه حلاحيل
ومذريّ(ن) فوق الشدادين ضلّه
امعزبه لا راح يقضي مشاغيل
تلقى صغير العمر قاعد محلّه
والنار مشبوبه عليها معاميل
والعلم صادق مابه ايّات زلّه
صفة دلال(ن) ماقنوها مهابيل
من نسل حر(ن) مارضى بالمذلّه
امحصل(ن) مجد الطحاطيح تحصيل
وكاسب الامجاد والطيب كلّه
يرحمك ربي والخساير محاصيل
خلّيت ربعك .. والبقاء دام للّه
جعل الغيوم اللي لها عيني تخيل
تمطر على قبر السبع وتغفرلّه
وختامها جعل العوض فالمقابيل
واللي يرد العلم لاهنت .. قلّه :
الفرق واضح فالشمغ والبناطيل
احدن يرد السيف واحدن يسلّه
لا ماكتبت الشعر شهره وتمثيل
ماهمني هرج الصحف والمجلّه
شاعر وأخط القاف خط التماثيل
امعرب(ن) جده .. ودربه يدلّه
لا ظلم عليه الليل شب القناديل
يعقد حبال عداه .. وحبله يحلّه
وسلام للي فصّل الكون تفصيل
سبحانه اللي فارض الدين ملّه
:
مما راق لي للشاعر المبدع
فارس الضويان