أسعد الله صباحكم بكل خير
::
من لا سعـى للمرجلـه خـاب مسعـاه
ومــــن لا يــــروم الـنـايـفــه مـارقــاهــا
ومن لا يعز النفس لو عـاش دنيـاه
يــبــقــى ذلـــيـــل وهـيـبــتــه مـالـقــاهــا
ومن لاعتزى للـي مـن الضيـق نـاداه
مــافـــيـــه دم وكــلــمــتــه مــاحــمــاهــا
ومن يضحك بوجهك ويخفـي نوايـاه
الـضـحـكـه الـصـفــرا يـبّــيــن خـفــاهــا
ومـن يخلـف عهـود الرجاجيـل تلقـاه
مــافــاد قـــــوم وحـاجــتــه مـاقـضـاهــا
لا تنتظـر مـن واحــدن ضــاع مـبـداه
يــشــري رضــــاك وعــزتــه مـاشــراهــا
ساس الردى فـي حاجتـك لا تنصّـاه
ضـيـقـك ولا مّـــن الـعـفـون وعـطـاهـا
راع الردى مهما تجاوز عـن أخطـاه
لــوهـــي بـسـيـطــه زلـــتـــك مــارفــاهــا
مـن رافــق الخـايـن؟ يـسـوي سـوايـاه
ومـــن يـتـبـع الانـــذال يـلـقـى جـزاهــا
ومن يغضب الله .. ما توفق بدنياه
لــو يـمـلـك الـدنـيـا يـعـيـش بشـقـاهـا
عــن تجُـربـه كتـبـت مـاهـي محُـاكـاه
وآمــنــت بــأقــدار الـحـيــاه وقـضـاهــا
تــرى الـزمـن لـــو زان يـاســرع بـلــواه
ومُــــر الـلـيـالــي مـايــجــاري حــلاهـــا
كـم أحتـرق صبـري علـى جـمـرة الآه
صوتي صدى الونـه وصـدري مداهـا
عـــزاه يـاقـلـبٍ شـكــى الــوجــد عــــزاه
نـفـســي عــزيــزه عــظــمّ الله عــزاهـــا
:
لمنصور الرويلي
مما راق لي(: