منتديات الوئام - عرض مشاركة واحدة

02 / 05 / 2016, 05 : 01 AM

الحياة دروس والدنيا تجارب

..... والبشر طلاب داخل مدرستها

والليالي ماصفت فيها المشارب

..... كيف تصفي والهموم مكدرتها

والبشر في ذا الزمن مثل العقارب

..... لو يدينك في مخابيك الدغتها

والحسد دايم يجيك من الأقارب

..... كم بيوتً من حسدها دمرتها

مثل ماقال المثل سدد وقارب

..... لاتقاطعها ولا تآمن جهتها

اجعل الأذكار لك مرسى وقارب

..... تحفظك من موجها وملاطمتها

وكم وجيهً خلفها حقدً ومآرب

..... والكلام الزين في روس السنتها

وكم وجيهً تعجبك والمخ ضارب

..... لو تسرحها بشاةٍ ضيعتها

وكم رجالً تمتلك لحيه وشارب

..... عاشت وماتت وهي ماأكرمتها

جعل مابين المشارق والمغارب

..... بيني وبين الرخوم ومعرفتها

واعرف الناجح ترا دايم محارب

..... لاتحطمك الرخوم وبربرتها

ولو تشوف اللي تشوفه لاتغارب

..... روسنا سود الليالي شيبتها

سهام الحق

صبحكم الله بكل خير وسعاده