[poet font="Simplified Arabic,4,blue,bold,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
اجل عفت الغزل واللي يحب ابها الزمن دجال = قضت كل المعاني ما حصل تقضي مآسينا
أنا مثلك ومثل اللي سمعنا من ظهور ابطال = على خد السوالف لا نوت تسهر ليالينا
رمينا الزيت وسط النار وزاد الجيلنا أجيال = توارثنا الجروح اسنين ولا جا من يداوينا
غزينا يضحك البارود مسترخي على الحمال = يبي يشبع من اسراب الطيور اللي تغذينا
حسافه ما دريت ان العرب مآساتهم موال = صدحبه صاحب المغنى وصدقنا أغانينا
حسافه ما قريت الوصف باللي سجل الأقوال = وصلنا للهدف مرات لكن سجلوا فينا
خسرنا القدس والجولان وكوسوفا تعيش اهوال = ولا ندري وش اللي جاي يا ستير تحمينا
تمددنا على ظهور الأرائك والبطون اثقال = تريحنا وشعوب الارض تشقى لاجل ترضينا
ملابسنا أوانينا منازلنا غدت أشكال = وحتى الاسم ما نتعب معاهم بعض اسامينا
عروبة قرن عشناها بلا عزه ولا أفعال = وضاعت في دروب التيه والغربه خطاوينا

قصيده أعجبتني إن شاء الله تعجبكم
لا أعرف قائلها ..
الحسام
[/poet]