حبيبتي

ماقلت لك ....


مصيرك مهما روّحتي

اكيد بترجعي ليّه

لانك مهما حبيتي

ماراح تلاقي حّنيه

مثل قلبي

قصيده من كتاباتي احبتي

اتمنى ان تلامس احساسكم









والله وردك وقتك اللي غدى بك

___________جيتي وقلبك من هوى الغير مكسور


جيتي تلّمي مابقى من شبابك

___________جيتي ظلام تدوّري ......... طلعة النور


ماقلت لك مهما يطّول غيابك

___________انا الوحيد اللي لك احساس وشعور


وانا الذي من بين ناسك رضابك

___________لاجاملك قلبي .... ولاكان مجبور


وانا اولك وآخرك واصدق احبابك

__________وانا الغرام اللي له سنين وشهور


وانا الجريح اللي قضى عند بابك

___________ احلى العمر مابين هجران وغرور


وانا الخفوق المرتوي من عذابك

____________ يشربك جرح ويحتسي همك بحور


وانا الحروف الضائعه في كتابك

_____________ بين السطور وبين الاوراق منثور


حبيبتي ..... والدمع بلل ثيابك

______________درب الهوى ماهو رياحين وزهور


وان كان جرحي باول الوقت جابك

______________اكيد قلبك بآخر الوقت مكسور