السلام عليكم ورحمة الله وبركاته وكل عام والجميع بالف خير

رزقني الله واياكم صيامه وقيامه

بسم الله توكلنا على الله



ما هي استعداداتك لشهر الفضيل ؟

اعتقد السؤال متاخر لاننا استعدينا وخلصنا لكن لو فرضنا جدلا انني وجه الي هذا السؤال قبل رمضان(ياشين الفلسفه...اخلص ) فإن اجابتي ستكون استعددت له بالدعاء

*ما هو الطبق المفضل لديك في رمضان

بما انني مثل وافي نباتي فأنا راح اقول الملوخيه خاصة اذا كنت من يدين الوالده الله يحفظها


*ما هو الشيء الذي لا تستغني عنه بالمائده(السفرة ) بشكل يومي؟

شربة الحب // طبعا فيه فرق بينها وبين كويكر




*الأكلة التي تحب انك تسويها في رمضان؟

لم اختبر نفسي الى الآن



*ماذا تحب أن تبدء/ين فطورك؟

تمر / ماء / زبادي وشريك ودقه مدينيه (كثير منكم ماجربها )



*عضو/ه تتمنى يطبخ لك طبخة في رمضان وما هذه الطبخة؟

غزالة الجنوب واتمناها تطبخ لي خبز جنوبي يسووونه على التنوور لزيز وطعم ويهبل (اهب يالمصري)


* تخيل/ي أنك في البيت لحالك وان ما في عندك احد يجيب لك شيء وش راح تسوي/ن تشتري/ن راحت عمرك وتفطر/ي على تمر وتقول/ي نعمة كريم او تقوم/ي للمطبخ وتطبخ/ي شيء تحبه ؟

الله يخلي لي وخياتي نص درزن (قولوا ماشاء الله ) راح اشرفهم بتناول طعام الافطار معهم لكن ان مالقينا منهن احد فيه مطعم

خمس نجوووم افطاره روووعه رحت له ودقيت ام فطور عنده














*ما هو نظامك في رمضان؟

بعد الفجر نووم الى صلاة الظهر ومن ثم الاستيقاظ لمتابعة سوق الاسهم الى صلاة العصر وبعد العصر نووومه الى المغرب

وبعد المغرب الانطلاق الى المحل لمتابعة اموووره حتى قبيل السحور ثم العودة الى البيت وان حصل وقت ماتيسر من القرآن قبل الفجر


*ما هي برامجك التي تحب/ي إن تتابعها في رمضان؟

الحمدلله لااتابع التلفزيون من سنوات ولله الحمد خاصة في رمضان حتى الاخبار على البي بي سي من النت

*حينما يعلن إن غداً هو أول أيام رمضان من أول شخص تتصل/ي به لتهنئيه بهذا الشهر الفضيل؟

ماما وبابا (ماتشكون ان فيه عرق مصري )


*اذكر/ي لنا موقف طريف او محرج حدث لك/ي في رمضان الأعوام السابقة؟

رمضان قبل الماضي كان الوالد يرقد في العناية المركزه في مركز الامير سلطان بالرياض وكنت مرافقا له واحتاج الى اجراء قسطره

للكشف على القلب واخذ لاجراء الفحوصات وكنت مختبئا معه في العنايه المركزه خلسة المهم العاده ان لاتتعدى الفحوصات ساعه ونصف الساعه تأخر اكثر من اربع ساعات تقريبا وقد لاحظ احد المجاورين لسريره قلقي وماهي الا لحظات حتى فتح الباب الخارجي للمر وقال لي

هذا الذي اهمه امري (جاء الوالد ) قمت ابستقبله وعلى طول اخذوه للعناية المشدده وقد وضع عليه كمام التنفس الاصطناعي وغطي كامل جسمه ذهلت ورحت (اركض ) وراهم وماقدرت ادخل معهم بعد ماخرج الطاقم الطبي اللي معه قدرت ادخل خلسه سألت طبيب العناية عن حالته فقال للاسف بعد القسطره جاته جلطه حاده في المخ وفشل كلوي تام والان تحت رحمة الله انهرت وجلست ابكي ورحت له على السرير وبديت اكلمه وانا ابكي بلحظه التفت علي وناظرت عيونه والا لونها يختلف اختلاف كلي عن لون عيون ابوي على طول نزلت
كمام التنفس من عليه وما نزلته الا اتضح لي انه ماهو ابوي انما شخص اخر لكن ماتركني الدكتور اتكلم لأن الاجراس بدت تنهبل
وترن رنين وانا جالس ماسك الكمام بيدي والعود ينتفض ويوم جاء الدكتور زعلان بقمة غضبه وانا اضحك واقول له ماهو ابوي ماهو ابوي



*خبر فرحك في رمضان الاعوام السابقهـ؟ واخر محزن ؟

والله الذاكره لكم عليها



*أشخاص تشعر/ي لا تكتمل الفرحة بهذا الشهر إلا بوجودهم ؟

ابي وامي وابنتاي رهف والجوووري



*أمنيه تتمن/ي إن تتحقق في رمضان؟

عفوه ورضاه عنا سبحانه وتعالى والفوز بجنانه والعتق من نيرانه




*عادة اجتماعية مشتهرة بها العائلة في رمضآن ماهي ؟؟

كانت لدينا عادة رااائعة وهي ان يجتمع افراد العائله جميعهم (الذكور طبعا ) في كل ليله عند احدهم لتناول طعام الافطار يجتمع اكثر من عشرين شخص على مائدة واحده وكانت تعرف عندنا باسم وهو (الشبه ) ولكن من رمضان الماضي الغيت واصبح كل ابناء رجل يفطرون مع بعضهم البعض كم افتقد (الشبه )


*ما هي استعداداتك أنت/ي والعائلة للعيد؟

كالعادة تجهيز بيت المزرعه لقضاء ليالي العيد فيه واحضار اكبر كمية من الالعاب الناريه من جده اصول الاحتفال

* هل بدأت الاستعداد لشراء مستلزمات العيد ؟
من عادتي انهي كافة اموري قبل دخول رمضان حتى المودام والبنيات يقولون خلصوا (وانا اشك بالموضوع )







* اين ستقضي عيد الفطر المبارك باذن الله تعالى ؟

في المدينه لأن العيد بعيدا عنها لايعتبر عيدا بالنسبة لأهلها












*نصيحة رمضانيه لرواد الموضوع ؟

الصوم عن كل ما من شأنه ان يغضب الله تعالى في رمضان وغيره


*كلمة اخيره تقولـ/يها ؟ ولمن؟

للجميع كل عام وانتم بخير

.....................................

لازم اختاااار يعني

طيب واذا كان اللي اخترته اختاروه قبلي


عموما التختور ساري الرياض

الغااااالي وااااافي

اقراك (حب ) ويخجلني حروفك =ياطيب الرفقه قليل الحلايا
اعيش معك اهات قلبك وخوفك =واحياك نبض ٍ بين حدب الحنايا
إن غاب زولك سامرتني طيوفك =احيا بها ليل وقصيد وحكايا
رغم العذاب ورغم قاسي ظروفك =منحتني حب ٍ غريب المزايا
اسقيتني طعم الأمل من كفوفك =وانسيتني مر الألم والرزايا
تقصر خطايه دون رد معروفك =لكن سامحني وكلي خطايا