طالت ليال الحزن ما شق له نور=وفجره توقف من سنين بمغيبي
من ظاعت (الشمس الحزينة) ورى القور=وانا اتلّمس في ظلامي لهيبي
تحققت (أحلام عمري) على البور=( وتبدّدت ) في ارض شكي وريبي
وجتني هموم وكل طابور طابور=ياشيب راسي منه ( ياشيب شيبي )
الى متى والحزن بالقلب محفور=الى متى (والحزن) هذا نصيبي
الى متى( والهم ) صفحات وسطور=الى متى (جرح الليالي) عطيبي
تزرعني الأيام ( بالظلم والجور ) = وتنبت( دموعي ) في طوارف شعيبي
وأحصد (خراب الوقت ) في كف مجبور=يجني محاصيل ( الزمان) العصيبي
حلم وتبدّد ( أيه ) ياحلم معذور=ما دام خصمك واقعي بـِــتـْــعَـــذيبي
إصعد على ابعاد( الألم ) قمة الطور=وأجمع ( تباريحك ) ولا تنتخيبي
ثم ارم نفسك لا تحسّب ( لي شعور )=بحد ( الألم ) مبطي تجاوزت عيبي
وانا لي الله (يا حلم) صرت مكسور = ولا ظنتي( كسر الأماني ) يطيبي