الصراحه اعجبتني كل الردود

اللي يوافقن واللي مايوافقن

ليييييييه ما ادري !!!

لا والله الا ادري

وبقولكم ليييييييييه :

اللي يوافقن : أعجبني ردهن بالموافقه .. لماذا؟

لانهن اخذن على عاتقهن تحدي مصاعب الحياة من البدايه
والتضحيه لديهن تغلب على تحقيق الرغبه
كما ان ذلك دليل على قوة ايمانهن بأن الله لا ينسى عباده وهو الرزاق الكريم
فاذا تساعدوا سيحققون مايريدون

والله هذي نوعيه تستاهل كل التقدير والاحترام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ ـــ ــ ـ
وااللي يرفضن : أعجبني ردهن بعدم الموافقه ايضا .. لماذا ؟

لانهن فكرن بعقولهن واخذن الموضوع بأكثر واقعيه ..

يعني ياجماعه خلونا نحسبها حسبه بسيطه ونشوف وش يطلع معنا :

اذا كان الراتب 1500 ريال فشي طبيعي ان صاحبنا ماعنده بيت ملك .. يعني الاخ مستأجر

طيب الآجار لو اخذناه بأقل الافتراضات وقلنا ان الآجار السنوي 6000 ريال لشقه صغيره متواضعه جدا يعني بمعدل 500 ريال شهريا طايره من الراتب .

الباقي 1000 ريال
نخصم منها 50 ريال استهلاكات كهرباء .. وفاتورة الماء خلونا نقول انها محسوبه مع اجار الشقه على صاحب العقار .

باقي 950 ريال
نخصم منها 60 ريال فاتورة تليفون ثابت <<<<< لاحظوا الفاتوره تمثل الرسوم بس يعني هم مايتصلون مكتفين بس بالاستقبال علشان مايصرفون ... طبعا هذا مستحيل لكن خلونا نفترضها ، طبعا الجوال متنازلين عنه غصب عنهم ... ايضا الانترنت ممنوع .

الباقي 890ريال
نخصم منها 340ريال بنزين وزيت للسياره ومايروحون اي مشوار بس للضروره .. وطبعا هذي مستهلكات بس .. لاتنسوا اننا ماحسبنا احتمال عطل السياره وحاجتها للصيانه .

الباقي 550 ريال
نخصم منها 150 ريال قيمة مشتروات خاصه له ( ملابس وماشابهه ) وحلاق وغيره .. ماعليش خلينا نقول انهم مايشترون الا من الرخيص ههههههه والله الشماغ لحاله الايام بـ 150 ريال فمابالك بالاشياء الاخرى .

الباقي 400 ريال
نخصم منها 150 ريال قيمة مشتروات خاصه لها ههههههههههه مستحيل والله مستحيل والله ماتكفي زجاجة عطر والا بلوزة بدون تنوره هههههههههههه طبعا وضع مستحيل تتحمله المرأه >>>> مو بس المرأه حتى الرجل بيزهق من هالوضع بس الله يعينهم

الباقي 250 ريال
طيب هالمبلغ الباقي تتوقعون يكفي للأكل والشرب ؟؟؟؟؟؟؟؟؟؟!!!!!!!

مستحييييييييييييييييييييييييييييييييييييييل

وطبعا مايعزمون احد لأنهم كذا بيعدمون الميزانيه عن بكرة ابيها من اول يوم بالشهر
ولا يسافرون ولا ياكلون في مطعم لزوم الترويح عن النفس وكسر الروتين العادي اللي الله اعلم فيه ولا حتى يقدمون هديه لبعض ولا لأهلهم كنوع من انواع الترابط الاجتماعي والمجاملات الضروريه خصوصا للوالدين ولا ولا ولا ولا ولا ...... ولا اي شي آخر يجي منه زيادة مصاريف

والله انا اشوف ان اللي رفضوا معهم حق


آسف على التعليق وابداء الرأي
يقولون ان الموضوع مطروح للبني علشان يجاوبن عليه .. بس ماعليش تحملوا لقافتي

تحياتي