مـش عـارف أصلــى !!

بسم الله الرحمن الرحيم
السلام عليكم ورحمة الله وبركاته


إنت مـش عارف تصلــى ؟؟

طيب ما تيجي نحلـها مع بــعض


- ممكن تكون الصحــبة هيا السبب!

يعني ممكن يكون واحد مبيصليــش علشان أصحابــه مبيصلـوش !

آآآه ممـــكن ، والنبـى صلـى الله عليه وسلــم قال كـده قـال :
" المــرء علي ديـن خليلـه ، فلينظــر أحدكـم من يخالل"


بــس في حـل ...... آه في حــل

ممكن نتكلم معاهـم

ممكن نحفّـذهـم

ممكـن ننشّطــهم

أكيد هما نفسهم يطيعــوا ربنا سبحانه وتعالــى

أكيد نفسـهم يصلــوا ..... أكيد نفسهم حد يخرجهم من اللي هما فيه !

طيب تعالـوا نتفــق إن إحنـا نصلــي ؟!
تعالو نتفــق إننا منسبش فــرض ؟
النبـى صلي الله عليه وسلم كان بيقــول : ( أرحنـا بها يا بلال )
يا بـلال أقم الصــلاه عاوزين نستريح بقي ،
عاوزين نقف بين يدي الله
عاوزين نناجـي ربنا عز وجل ....
يلا نوصل المعنــي ده لبعــض
متقولش إصحابـى مش هيسمعوا كـلامي
متـقولش مش هيستجيبوا ليـا
كـانوا بيقول لو أسلم حمـار الخطــاب ما أسلم عمــر
وأسلم عمر وبقي فاروق للأمــة وثاني الخلفــاء الراشدين
إدعــوهم واللي يستجيب ليك إحمد ربنا سبحـانه وتعالـى ...
وشجعـوا بعض علي الصــلاة ...وعينوا بعض في الطريق الي الله عز وجل
وذكـروا بعض بالصــلاة
لكـن بالله عليــك اللي هيعطلك .....إتـركـه
سيبوه دلوقتي ، إنت كده كده هتسيبوا قــدام
قال تعــالي " يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ وَصَاحِبَتِهِ وَبَنِيهِ لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ "
بالله علــيك سيبوه دلوقتي ومتخلــيش حد يعطـلك

ممكن تكون المشكله كمان في إن البيت مهتمــش بالصـلاة وإنت صغير
وإهتمـوا بمذاكرتك بس!
فلما صليت علي كِبـر حسيت إنها تقيلـه .... فقطعتها
كـلامك صح فعلاً لما تقعد فتره طويله متصليش
أو تصلي وتقطع وتصلي وتقطع هتلقيها تقــبلة أوووي عليــك
زيها زي أي حاجة في الدنيا
ده إنت لو بتلعب رياضه وبطلتها أو بتلبها لأول مــرة هتحس إن إنت تقـــيل
وهتحس إن عندك شد عضل وبتتعب بســرعه
بس لو عندك هــدف ...... هيهــون التعب

محمد علي كلاي كان بيقول أســوأ أوقات حياتي كنت بقضيها في التمــرين
علشان بيبقي تعبان أوي ،

بس كان بيقـــول أتعب فب التمرين وأعيش كــل عمــري بطـــــل

إنت كمــان خليك بــطل ، خلي عينــك علي الجنــة
إتعب في الدنيا وعيش بعد كده أجمل الأوقات في الجنــة

الثقــل اللي بتحسه في الصــلاه بيكون في البداية بس ،، إختبار يعني
ربنا عـز وجل يقــول " أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ "
بس إنت إثبت إن إنت وخليكمن الصــادقين والله عز وجل يرفع عنك هذا
الثقل ويعطيك حلاوة الصلاه

النبي صلي الله عليه وسلم من كتر ما كان بيحب الصــلاة أنزل الله عز وجل عليه هذه الآيـه
وَمِنَ اللَّيْلِ فَتَهَجَّدْ بِهِ نَافِلَةً لَكَ عَسَى أَنْ يَبْعَثَكَ رَبُّكَ مَقَامًا مَحْمُودًا
لما السيده عائشـه رضي الله عنها سمعت الآيه قالت :
والله لا أجد إلا أن ربك يسارع في هــواك .
بيحب الصــلاه.....
علشان كده بقولك إصدق الله عز وجل ينزع عنك هذا الثقل ويرزقك
لذة الصــلاة

ممكن تقول إني مشغول طول اليوم ومعنديش وقت أصلــى !
وأنا بالله عليــك هطـرح عليك سـؤال .... إنت بتتوضــئ في آد إيه ؟؟؟!
في دقيقــه !!
في دقيقتين !!
وبتصلي خمس مـرات .. كل صـلاه بتصليها في آد إيه ؟!
5 دقائق !!
10 دقـائق !!
يعنـي الصـــلاه كلها " الخمس الصلوات " ســــاعه واحده بس !
وربنا عز وجل بيمن عليك كل يوم بــ24 ساعه
وأمــرك إن إنت تصلي في ساعة !
يعني ســاعه مقابل 24 ســاعه !
كتــير ؟؟!
وإن إنت هتنشغل عن الصلاه بنعمه من نعم ربنا عليك
من شغل أو دراسه أو هـوايه او حتي رياضه بتمارسهـا
وربنا عز وجل قال "وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ "
إيـــاك تنشغل بالنعــم علي المُنــعم
إيـــاك ..... تنشغــل بالنعــم عن الله

مره شــيخ بسأل شخص إنت مبـصليش ليه
قاله : علشان بعمــل حاجات حــرآآم
طيب هو لما حد يعمل حاجات حــرام ميصليش !!!
ده الصــلاه هيا الحـــل
مش ربنا بيقول : " إِنَّ الصَّلاَةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ"
لو عند ذنب عظييييييييم " فحشــاء "
صلي .... الصــلاه هيا الحل
لو عندك منــكر
الصــلاه هيا الحل
والنبي صلي الله عليه وسلم قال " أتبع السيئة الحسنة تمحها "
عاوز تُـغفر ذنوبـك .....صلـي
بالله عليــكم