سامح الله من طعنـي وعنـي مـادري = لين ناديته من القلـب يسحـب خنجـره
قلت : هذي خنجرك قال: هـذي خنجـري = قلت : خذها .. قال : دعهـا بقلبـك تذكـره
قلت : انا من كل ذنبٍ عدا حبـك بـري = قال : هذا ذنبك اللـي عسـى الله يغفـره
قال : أنا والحمـد لله فـي حبـي ثـري = لي كثير احباب غيرك وهـذي مفخـره
أنت حتى في شعورك وحبك عنصـري = من تحبه تضغطه ضغط حتـى تخسـره
قلت : توك في مجال الغلا غصنك طري = في زمان به ضلوع العفـاف مكسـره
يوم قلـت أغليـك والله مانـي مفتـري = الغلا سلطه عليهـا صعيـب السيطـره
كان حبي لك جنونـي ولكـن عبقـري = شفت غيرك كلبوهـم بظهـر المنظـره
كنت لك مستعمره وأنت حاكم عسكـري = ما دريت انك لغيـري بلـدة مستعمـره
كنت لك مستعمره وأنت حاكم عسكـري = ما دريت انك لغيـري بلـدة مستعمـره
قلت : حبك غلف القلـب مهمـا تـزدري = مثل ماهو غلف الحب عرنـوس الـذره
يا حبيبي .. ياحبيبـي ويـا مستعمـري = صاحبك في كلمة الشك قصيت ظهـره
كنت أعز إنسان في قلب ( ذيب الشمري) = في لقاك ترحب العيـن قبـل الحنجـره
لكن اخر سهم جاني فـرا قلبـي فـري = ما شعرت إلا وأنا في حـدود المقبـره
لكن اخر سهم جاني فـرا قلبـي فـري = ما شعرت إلا وأنا في حـدود المقبـره
ليل صبري عنك مظلم ولكـن ينسـري = اسهره واسريه وارجع واعيده واسهـره
سامـح لـك بالمحبـه تبيـع وتشتـري = واخرتها ترجع لقلبـي وتلقـاه صخـره
المحبـه كلنـا خلفهـا نجـري جـري = لكن إن الحب بالغصـب مافيـه ثمـره
المحبـه كلنـا خلفهـا نجـري جـري = لكن إن الحب بالغصـب مافيـه ثمـره
ارحـل ارحـل بعـد وش تحـتـري = رحلـة الفرقـا بليـا جـواز وتذكـره
ارحـل ارحـل بعـد وش تحـتـري = رحلـة الفرقـا بليـا جـواز وتذكـره