إلا والله حان قولة ياعمااااار=ياأماكن همت فيك برفقته
الف رحمه تلف روحك يامنار=جعل ربي يشملك في رحمته
الصديق اللي علي مايوم جار=كل من عرفه يتمنى صحبته
اظلمت من بعد مامات الديار=وكم رجل..عليه هاضت دمعته
خادم الصيام في سر وجهار=طالبك يارب طهر صفحته
به صفات مااقدر احصيها كثار=يكفي ان الخير شع بجبهته
من رحيله اظلم بعيني النهار=ياإلاهي صبر امه واسرته
عل يضوي النور قبرك يامنار=وجعل ربي يغمدك في جنته