لا زرقة اعيونك ولا زرقة الموج=أخاف منها دام مالي بها سوق
والله ولا حتى بعد حمرة الروج=رايح تولّع في الحشا جمرة الشوق
انا ابدوي يا بنت ما لي وللدوج=وانا بعد من صخر بيضان مخلوق
مرجوج أنا من جد يا بنت مرجوج=بس والله ما أنزلِّك ولا لآلف غرنوق
مثلك وذا كنت تبيني على الهوج=روحي وهوجي واطلعي لي أنا فوق
ونكان ما شفتي لمطلاعك ابروج=قولي لها ما كل مطرود ملحوق
وارض الله أوسع لك بها انهار ومروج=ولاّ السما تدرينها غيم وبروق
وش حدّ مثلك يمتطي ظهر مسروج=ما دام في دربه تهودج له النوق
ونكان في بالك تمشّينها عوج=تري البشر أشباه واضداد وفروق
كلٍّ وله بارض الهوى ساح وفجوج=ما تلتقي ولكل جيدٍ وله طوق
ونتِ ونا والنّاس فوجٍ ورى فوج=مثل الشجر كلاًّ له أوراق وعروق
عيشي بكيفك والهوى ثوب منسوج=ما يختلف بس يختلف يمّه الذوق
السعيد (سعيد الثقفي -جدة)