اقسم بالله هذا اللفظ دايم على لساني واحس اني في يوم بافقد احد اعضائي من كثر ماطفشوا اهلي منه..

يعني اذا سالتني امي ..خلصتي الشغلة الي في يدك؟؟
ارد : اييييييييه لي سنة وست شهور..
ولا مثلاً
بنتي متى بتغسلين وجهك<<لاني قرفتها من الاقنعة الي اسويها..
قريب يامامتي انشالله بعد سنة وست شهور..
المهم هالسنة وست شهور لاصقة وياي..

اما الامثال..
وييييييييييييه ياكثرها..واحيانا اقعد سنة وست شهور اتشقلب من الضحك على الفاظها وكيف جابوا كلماتها..

وفي امثال الله يجيرك .. عليها الفاظ ماادري اشلون تنقال بس اذا جيتي عند الجد وربي عرفوا يوصفون وان كانت الفاظ بذيئة نوعاً ما..

اذكر مرة حادثة دارت بيني وبين الوالد حول موضوع نناقشه عن شخصية اعرفها..هذه الشخصية امدحيها خلتك في العلالي اهم شئ انها تنمدح فماادري وش الي دار بيني وبين الوالد لكن قال..

يابنتي كبري راس الحمار بقولت "شش"..

يعني الحمار يجي لراعيه بهذه الكلمة وشكلها تبسطها..
فالناس الي تسعى للمديح لذاتهاوفي غير محلها وتعتبر من النوعية ذوي العقول السخيفه..
يعني هناك نوعية لاترى الا ماذا تقدمين او ماهي انجازاتك او من تكوني او ماهو اصالة جوهرك..بل تسمع لمديحك لها وبهذا فانتي عندها من المقربين المحببين المرضين عندها..

ترقبي مني بس خليني ادق حنك مع الاهل واجيبلك من هالامثلة الي تفر الراس من غرابتها..


يسعد ربي ايامك اختي اسطورة الخريف وربي موضوع يستحق التثبيت..