السلام عليكم ورحمه الله وبركاته

انقطاع قصير لاسباب عمليه
وعوده انشالله تحوز على رضاكم

ماابي وزنك ذهـب والاّ مـنهو يــربـــح الملـيــون=ولا ابغــــي فـوز مجانــــــي ولا فــوزِ بسبـعـميـه
ولا ابغى صيف فــي لندن ولا بـاريـس والاّ بــون=ولاابغى صيف فـي جده ولا صــوب الهــدا نـيــه
ولا ابغى لحن بالغربي ولا لحـنٍ ســرى بالـهــون=ولا ابغى لحن صنعانــي ولا ابغــى الحـان شـرقيه
ولا ابغى اشوف برنامـج ولا مسـرح يزيد جنون=ولا مزمــار اوعـــرضــه ولا رقــصـــات نجـديـه
ولا ابغى البر وعلومه ولو كان القـنّص مضمون=ولا صـيـد البـحــر ابــغـــــى ولا رحـلات جـــويـه
ولا ابغى يكون لي منصب وزاري او رئيس سجون=ولا لاعـــب حـفـــر اسـمـــه مثـــل مــاجــد بـفنيه
ولا ابغى صيت بشعاري مثـل دايــم وابـن لعــبـون=ولا عنوان فـي صــفحة يــقـول الـقـاب سحـريــه
انا ماشاقني غــير انــت بحسنك مغــرم ومسكون=مشيت الــــدرب واعطــيتك لكل الــدرب مـــاريه
طغى حبك على جرحي خفوقي صار لك مـرهون=تــفجــر داخــــل ظلوعــي مثـــل تــفجـيـر ذريـه
غديت الحاكم لوحـدك ولاغيــرك بشـــر بـ يـمون=فتحت القلب واعــطيتـك قفــل و ارقـــام ســـريه
غــدا من ضمن املاكك بكيفك لــو نـويت اطعون=عطيتـــك سيف لـــو تبغــى وقبـل السيف جنبـيه
سحاب الحب من شفتك توقـف في سماي بهـون=يروي عروق قد ماتـت بــدون امــطار رعــديه
تمنيتك انـــا والله واثــر بــعـض الامــانـي تكون=وتـصيـر احـلام بالـواقع ولــوهــي حيــل ورديـه
ابكتب قافــي مكسّر واعـرف القـاف بك مـوزون=ولو صار الفعـل فاعــل بقــول اعــذار وهــمــيـه
انا مجنون فـي حبك تــري بعض الجنـون فنـون=كتبــت النــثـــر لعيــونـك كتــبت ابيــات شعــريه
عرفت شلون صار ابن الملــوح عاشـق ٍ مجنون=وكيــف ان عـنتر يجــابه جـيـوش بـكل وحـشـيه
وعرفت ان العمر رحله بها من يتــركك محزون=وبــها مـــن يتــــرك ايامك فـــرح وايــام زهريه
لـك الله دام انـــا احبك ابـــد مايـــوم انا بـ اخون=ولـــخلي كــل احـــزانـك تـكــون احـزان مـنسـيه
انا مـن يـوم حبيتك وانـا فـي روعــتـك مفـتــون=صحــيح الحـــب اسبابه تــكــون اسباب عــذريه
احبك ايه انا احبـك ولــو كــــررتـــهـــا ملـيــون=ابد مـا تـوصف شعــوري بزيــد الفيـن خمسميه