السلام عليكم
سبحان الله...في هالدنيا أمور غريبة وأحداث عجيبة....
واحد وسيم وجميل في كل مكان يلفت الإنتباه لكنه عابس الوجه... وواحد شكلة متواضع وعادي لكنه بشوش يلفت الإنتباه برحابة صدره.
عندها صوت حلو وعذب لكن إلسانها مايعرف غير الشر إذا تكلمت ودك تسكت وفوق كذا ماتعرف تصف الكلام... والثانية صوتها عادي يميل للخشونة:D لكن تسرق سمعك ولا تبغاها تسكت من عذب الكلام.
يدها ناعمة مرة لكن ماتعرف فيها غير الطلب والضرب... والبعيدة مالها إلا يد وحدة لكن من دفاها لو تمسح راس المتضايق والمهموم تنسيه همه والتعب.
أسنانه ناصعة البياض ومرتبين وحلوين والسوس مايعرفهم :Dلكنه مايعرف الإبتسامة والناس ماعمرهم شافوه مبتسم... والثاني عنده نافذة في الوسط وأسنانه صفر يميلون للبرتغالي :Dلكن الناس ماتشوفه إلا يبتسم وعنده ابتسامة تخلي الفرح على ناظرها يرتسم.
قلبها صاحي مافيه شيء لكنه قاسي مايوم من الأيام دمعها انزلت... والبعيدة مريضة في القلب لكنه حنونة تحس بغيرها لو تسمع آه دموعها من غير ماتحس انزلت.
تاجر ومليان فلوس ويقدر يشتري أي شيء يبغاه لكن ماعنده أخلاق ولاأحد يحبه من الناس... فقير وعلى قد حاله أشياء قليلة هي راس ماله لكن الكل يذكره بالخير في النهار والليل وحب الناس له ماله مقياس.
عنده أصدقاء كثار لكن وقت الحاجة مايشوف منهم أحد... عنده صديق لكنه عن شعب في وقت الضيق.
عيونها كحيلة ووساع لكن تشوف القسوة فيها وعلى وسعا ماتشوف دموع غيرها... البعيدة عورة وعيونها صغار لكن تحس في نظراتها البرائة وتشوف دموع غيرها.
متزوجين عندهم شهرة وجمال ومال لكنهم ماينامون الليل من الهم والضيق إلي في صدورهم وفوق كذا كل يوم حرب مع بعض... متزوجين على قد حالهم محد يعرفهم لكنهم في قمة السعادة وبيتهم يسودة الحب والحنان.
بروفيسر عالم دكتور فيلسوف مخترع لكنه يعبد بقرة... عامي أمي بسيط لكنه موحد يعبد الله.
وأخيرا عنده ساعة قيمتها بالألاف لكنه مايعرف قيمة وقته ولا يعرف كيف يقضية وعنده قلم غالي وفيه فص من اللؤلؤ لكنه مايعرف يكتب شيء يفيد... الثاني إلىالحين على الساعة الرملية:D لكنه يعرف قيمة الوقت ومنظم وقته وعنده قلم بو نص ريال لكنه إذا كتب من جمال كتاباته تحفظ كلامه من أول نظرة.
وفي من العجائب كثير أتمنى إلي يصير في باله شيء مثل هالتناقضات يكتبه نبغى نضحك ونتحمد شوي...
وكالعادة فيه تصميمين جديدين وإلي يتابع مواضيعي والخواطر يعرف إني مبذر في التصاميم هههههه لكن أنا واحد أناني ماأبغى أحد يسبقني بفكرة...
راح نتوقف للدراسة والله يعينا وادعوا لي إن الله يفكني من انذارات الجامعة ويارب مايقطعون عني المكافأة هههههههه...
