مسا ء الخير او صباح الخير اعزائي على حسب الوقت اللي دخلتو فيه ..


انا متعجبه من شغله يمكن انها تكون طبيعيه بس مع ذلك موعاجبتني ..

ان الانسان الطيب واللي نيته صافيه تجاه الناس ضايع بهالدنيه ..فاغلبية الناس الحين لما تتكلم معاها بحسن نيه تفسر كلامك معنى ثاني ويروح مخها بعيد ..وبعدين الظن السيء منتشر وايد ..ليش ؟؟

ديننا يحثنا ان الواحد لما يشوف شي من شخص لازم يلتمس له خمسين عذر قبل لايظن فيه سوء فليش الظن السيء يطري على الانسان اول شي ..

والمشكله ان اللي ماشي سوقه الحين اهو الانسان المشاكس الخبيث اما الطيب فتروح عليه وتتعطل مشاغله ويمكن ماتنجز ..

واللي ادهى من ذلك الشخص الطيب اصبح مكروه !!!!!! فما يحبون يقعدون معاه او يصادقونه لاعتبارهم له بانه ساذج او سخيف !!!

واللي ادهى وادهى انك اذا جلست مع جماعه من الناس يتشكون من انعدام الطيبه بالدنيا واناالناس صارت يالله نفسي ومحد يهتم باحد ..
هذى الكلام يخليني استغرب زياده !!؟؟ ..الناس هي السبب في انعدام الطيبه بين الناس واتجاههم نحو مصالحهم وبس ..فليش الوضع هذا ..هذا الوضع لو تفكرون فيه عدل ..محزن جدا ويسبب ضغط على الشخص الطيب ..

يعني تخيل لو انك تقوم بعمل بحسن نيه وتلاقي هذا العمل يسبب لك مشاكل وتقعد بينك وبين نفسك وتقول ليش الدنيا صارت هالشكل ..

اسفه على الاطاله بس هذا الموضوع انا افكر فيه من زمان وشاغلني صار لي فتره لاني مريت بموقف من هالنوع ..

واللي عنده وجهة نظر يبديها لو تكرمتو ..