يسعد جميع اوقاتكم بكل خير
قصيدة عن حياة البدو والباديه
واحب اسمع واقرا لهذا النوع من القصايد كثيراً
فاتمنى ان ترتقي لذائقتكم..
عشقت القمر حيث القمر ينبعث به نور
واخــص الليالــي البـيـض تزهــاه ويزهـــنه
واحب الهوى لاهب من خايـع ممطور
وريـــح النفـــل حيث النـــفل طـــيب الخــنه
واحب الجماله والجماله عمل مبرور
واحـــب الغناة واعــز نفســـي عـــن المنه
واحب الصراحه والصراحه بها مسرور
حيــث ان الصـــراحه تقطـع الشك والظنـه
واحب الكريم اللي يفرج عن المعسور
اللــي من عطــى حتــى اهله مادرو عنه
واحب الرجال العارفه واكره المغرور
مــن اغـــتر في بـعض المظاهـــر يغــــرنه
سقا الله ليالٍ ماضيه قبل هدم السور
نـــحفر العــدود ونــشرب الماء من الشنه
نشوف البنات اللي وردن كنهم الحور
مـهــار مشاويــلن بالأعيــــاد مـــــعــــتنه
على الماء تشوف بيوتهم كنهن القور
كثـــير القـــبايل تــقطن الــعــد بــالكــنه
على البال ذكراها ياليت الليالي دور
يـــاليــت الـــليالي ماخــــذنـــــه يجيبنـه
تــذكرت شـــيبانٍ لنا يوم حـــنا بــزور
يحثــــوننـا بالطــــيب والــفــرض والسنه
لو عاشوا حياةٍ قاسيه في بحر وبرور
عســـى الله يعــوضــهم بما فات بالجنه
لو دورٍ مضى من بينهم وين ذاك الدور
زمـــان مـــــضى لـــه ذكـــــريات يحلنــه
يوم الذهب مايلبسونه بدون خصور
جــمال النساء ماهو من السوق يشرنه
فقدنا حياة البدو مع شوفه المظهور
ولا عــاد بــه بــــدو ولا الطـرش له حنه
:
رائعه من روائع الشاعر الكبير سليمان الهويدي رحمه الله