[poet font="Simplified Arabic,14,darkblue,normal,normal" bkcolor="" bkimage="http://www.grsites.com/textures/natfl_b/natfl_b014.gif" border="double,10,sienna" type=2 line=200% align=center use=ex char="" num="0,black"]
لاباس ياعيـــن استـــهلت مطرها
وماجــــور ياخــد حضــن دمــعة العـــين

ومعـــذور ياقلب همـــومه نثرها
بيـــــــن المــلا لو مالمـــلا عـــنه دارين

لاشك مـــن يـــدري بحالي عذرها
وان ماعــــذرها مالحــقـــناه بالشــــين

ولااحمـــل الشرهات من لااعـتبرها
الله غــنــي والنــاس عـــنهم غــــنيين

يالله يافالـــق لمـــوسى بحرها
ياخالق اجمل ماحــوى الكــون من طين

تفرج لمـــن عينه دمـــرها سهرها
ومن هــمــها ليـــل الشــــقا صار ليلين

ليل جمـــع حزن البشـــر في دهرها
الين ساعــاته غـــدت كــــنها ســنين

حتى جــــبال الصبـــر زلزل صخرها
وصحــراء الامل ســلط عليها البراكين

في ليلة ليـــت الزمـــن له وفرها
وعنها عــطاني بالثـــرى قـــيد مـترين

قبل جـــماد اول يبــــلغ خبرها
ليــت العـــمــر ودع قـــبل ليل الاثنين

ايوالله ارحـــم من مـــفارق قمرها
عــزاه ياقـــلب شــــكى لوعـــة البين

راحت عـــنود الصيد واخفـــت لاثرها
ولامــن دليـــل ولاعــــطتني عـــناوين

راحت وخـــلت لي بقايا صــــورها
راحـــت ولاادري ليـــه والا عــلى وين

راحت وخـــلت خصلةٍ من شـــعرها
وصــــرخت يا.. وتقول بعدبن بعدين !!

راحت ودمعـــتها تعانق نحـــرها
ايووووووه واااشراااه يالمـوقف الشين

راحـــت وانا ازهمـــها عطتني ظهرها
وعلــمي بنفــسي يوم انا اقــول تكفين

راحت وخـــلتني غريق ببـــحرها
لو صحت باعلى الصوت ماحدٍ بيوحين

راحت حـــياتي والحـــياة وزهرها
راحت مــلاك الحــسن والذوق والزين

راحت بحـــفظ الواحـــد اللي سترها
راحت وانا بس مادري كيف وليه ووين؟

********************
زعيمنا ولايهمك كملت البيت الأخير
انشاء الله يتمشى مع القصيده
لقد ابكيتنا فعلا..لانها راحت
انشاء الله ترجعلك
اهم شي انك محتفظ بضفايرها
زعيمنا يامن تتربع على عرش
الإبداع..لااقول لك الا اللهم لاحسد
وتقبل مني عذب المنى
وخالص التحايا
[/poet]