يسعد لي صباح الشباب المناضل ,,,,
سلام عليكم ياهووووووووووووووه ,,,,,
أوف ,, أوف وش ذا الزحمة ,,,,, لا وبعد فيه بنات ,,,,, |1|
صب قهوة يابومحمد ,,,, بس بالله لا تـكثر ثـلج ,,,, معاي إنفلونزا ,,,
أقوووووول بومحمد من ذا اللووووووح اللي جالس يحشش في الزاوية ,,,,
شكله سفاري ,,,, أبووووووووووووووك يالسفاري تحشش قدام الزباين ,,, فشلت منظمة الشباب ,,,
بو محمد : ككككككككخخخخخخهههههههه ,,,,,
سمير بيك : وراك تضحك انت ووجهك ؟؟
بو محمد : تصدق من الصباح وسفاري مبسط عندي في القهوة ,,,,,,
سمير : يخرب بيته من الصبح جالس عندك ؟؟ هذا صار ام محمد رقم 2 على غفلة ,,
هاع هاع هااع
بس والله شكل سفاري زعلان من اللي أنت خابر يابو محمد !
بو محمد : وش اللي أنا خابر ؟؟
سمير بيك : مسرع ماتنسى ياشيخ ,,,,
نسيت رحلتنا في الثمامة أنا ولمسات والشاويش أفتر وسفاري ؟
بو محمد : متى صارت هالرحلة ؟؟ |1|
سمير بيك : صارت يعني صارت ,,, بتكذبني يعني أنا ؟؟
بومحمد : لالالالا العفو يابـــيك ,,, بس أنا نسيت ,,, وش قصة هالرحلة ,,, ذكرني بها ياسمرمر ,,,
سمير : طيب اسمع وانت ساكت ,,,
لا تـتـكلم مع ريحة فمك اللي تقول قطوة ميتة من اسبوع ,, هاع هاع هاع
تواعدنا نطلع للثمامه سوا و نكشت لنا ليلتين!
اللي جاب الخيمه واللي جاب الأكل واللي جاب الورقه.. واللي جاي بروحه بس..
ويوم جتّ حزّة الطلعه ..
دق علينا سفاري وقال إن أبوه عنده ضيوف ويـبي يجلس عندهم ؟
حنا قلنا عادي.؟.
المهم.. تجمعت انا والشاويش و لمسات ..
وركبنا في ذاك الموتر ونتراص في المرتبه اللي قدام ((تدرون ليش !!))
لأنه داتسن غماره وحده!!
وبدت الرحلة .. وكنا مستانسين في الطريق ونغني ..ونرقص ..
ونسقط في الموتر على خلق الله!!
ويوم دخلنا للثمامه تعدينا دوار العويضه ..
إلا ونشوف ذاك الشقّ .. الشلخ!!! ياويل قلبي ويلاه!!!
شيٍ أسود مخصر وعليه لثمه!!! قاعدةٍ تشّر على الشارع ؟؟
وندقها فرامل لين طلعنا كلنا في الشارع مع جزاز السياره !!!
قالت لنا : معليش شباب ممكن توصلوني بيت أهلي؟
طبعا لمسات خاف وقالها : وإنتي وش جايبتس هنا لحالك؟؟
قالت :أنا جيت مع أهلي.. بس رحت أقضي الحاجه .. وأبطيت شوي ..
ومن كثر خواتي أبوي يحسبني معهم و مشو وخلوني!!!
حنا قلنا : خير إنشاءالله.. وين بيتك؟؟
قالت : بيتنا في السويدي !!!
حنا مسكنا رووسنا !!!
قال الشاويش افتر : وش بيودينا للسويدي وحنا في الثمامه .. ثم نعوّد نرجع للثمامه..
قلت أنا : بس مش مشكله عمل إنساني!! ((وإلا لو إنه أبو شنيب إن نشوف الأعمال الإنسانيه!!)) ..
طبعاً لأنها بنت حنا بنوصلها وهذا بحد ذاته سبب وجيه؟؟؟ اخخخخخ
عاد أقووولك يابو محمد … ركبناها في الصندوق … و نمشي 180..
ولمسات ياحياتي يا لمسات كل شوي يلتفت واللعابين تقطر!!
والخشه مندلقه .. تقول ماقد شاف بنت ..
واللي يلتفت عليها وهي بالصندوق ويغمز...
واللي يشّر لها .. ( مهوب أنا طبعا )
وهي معطيتهم أشكل .. ويوم وصلو للسويدي..
ونقول لها .. : شاوريلنا بيدك ودلينا على بيتكم..
البنت قامت تشر وتدلدل فينا
بس المشكله هي ما تعرف البيت لأننا دخلنا للسويدي من جهه غير اللي عودهم أبوهم يجيبهم معها …
عاد ضاعت طاسة البنيّه!!! وقعدت تصيح!! والوقت كان ليل!!
وقلنا لها : ميب مشكله .. إنا بنروح نكشت في الثمامه والصباح رباح!!!
وش رايك تجين معنا هناك !!
البنت وافقت بس بشروط .. إنها ماتفصخ عبايتها … وتنام فيها لين الصبح!! الشباب وافقوا!
بس أنا كان عندي شوي تحفظ على مسألة عدم فصخ العباية ,,,
احم احم ,,, كيف الحال بومحمد ؟؟ اخخخخخ ( لاتصدق )
رجعنا للثمامه!!!
ونطق الخيمة … وحنا مستانسين ونلعب ورقه…
والبنت تناظرنا من بعيد!!! يقالها خايفه
جلسنا عقبها نشوي … وويوم خلص الشوي حطينا للبنت كل الأكل ويوم خلصت وشبعت
كلينا حنا عقبها وقهوويناها وشهوويناها بشاي منعنع وكيك وحركات …
وسمرنا على ضوّ القمر… وضحك ووناسه
والبنت من بعيد لبعيد بس..
وجتّ حزّة النوم…. حنا انحشرنا في زاوية الخيمة وفرشنا للبنت الفراش الكبير … ونمنا ….
وحنا نايمين حسينا إن البنت تقرب عندنا حبّه حبّه ؟؟؟؟
( بالذات عندي أنا كانت تقرب ) اخخخخ
العيال شكوا في الموضوع … قلنا شكلها من البنات اللي ماش!! (تكفى يالعاقلين)؟؟؟
والله والبنت تقرب وتقرب …. لين مره ما صار بيني وبينها الا شبر واحد
وش تتوقع صار يابو محمد … ؟؟؟
طلعت البنت ذي … هي خوينا الرااااابع اللي إعتذر… طلعت هي سفاري المرجوج ,,, لابس عبايه!!!
و نشب عليه و ندبجه دبج الين غيرنا معالم وجهه
ونقوم ونضف خيمتنا وعفشنا ,,حتى العبايه خذناها !!! و
وتركنا سفاري بلحاله هناك ؟؟؟
قلنا له : خل نشوف من اللي بيوصلك لبيتكم … ها ها ها ها ها
عاد شكل سفاري زعلان من ذاك اليوم علي يابومحمد ,,,, هاع هاع هااع