هذه قصيدة كتبها مولاي خادم الحرمين الشريفين الملك فهد بن
عبدالعزيز آل سعود ـ حفظه الله ـ في شهر شوال عام 1384 هـ

وإليكم القصيدة :

[poet font="Arial,14,white,bold ,normal" bkcolor="black" bkimage="" border="double,4,gray" type=0 line=200% align=center use=sp char="" num="0,black"]
يابو سعد صارت على خوك غارات"="شهرين أقاسي من شديد الغرابيل
سو المرض يحمل على خوك حملات"="ولا في يدي حيله ولافي يدي حيل
والله فزع من فوق سبع السماوات"="وأنا احمد الله يوم صارت تساهيل
ماينفع الخايف والأيام عجلات"="الخوف ما ينفع ولا القول والقيل
حنا هل العوجا ولابه مراوات"="شرب المصايب مثل شرب الفناجيل
لا شك أنا مشغول في كل الأوقات"="على الذي حنا بظله رجاجيل
ماني على نفسي كثير الحسافات"="لا سلم راسه روسنا رفاع بالحيل
حامي حمانا بالليال المخيفات"="لو صار بالعالم كثير الزلازيل
فخر العروبه بالعدل والمساوات"="هذا هو الفيصل ولا فيه تشكيل
يشهد له اللي شاهدو منه ليات"="ويشهد له التاريخ جيل بعد جيل
[/poet]