مرت على الذاكره لحظات ما احلاها = مهما يطول الزمن لايمكن انساها
لحظات مانيب عارف كيف اوصفها = بمكالمه منك معشوقك تمناها
لوجيت اوصف شعوري يعجز لساني= فاللحظه اللي معك بالصوت عشناها
لحظه سعيده خياليه بدايتها = اثر البدايه مثيره في سواياها !!!
ماحلى كلامك وضحكاتن ترددها= فالفتره اللي انا وانته قضيناها
ودعتني من بعدها وا نشغل بالي = مثل الشريط انتهت رحنا وعدناها
ياغايتي يامرادي يانظر عيني = اغلى القصايد على شانك كتبناها
واشعارنا ماتوصف لك مشاعرنا = شابت جميع القوافي ماوصفناها
يامالك الحسن كل الذوق من ذوقك = واحروفك اللي تجمل شخص يقراها
اخلصت لك بالغرام وانت مخلص لي = اصدق مودّه على الواقع رسمناها
اصدق مودّه عن الحساد نخفيها = الحاسد انشافها ماهوب يرضاها
هذي مشاعر ومن يهواك قدمها = وازكى التحيه نهايتها ومبداها