السلام عليكم ورحمة الله وبركاته

اكيد اننى مهما كتبت فلن اصل الى المستوى المطلوب
ولكن ما اكتبه انما هو نزف جراح ابثها لكى اشعر بالراحه
ومع ذلك لا استغني عن كتابة قصيده ربما اجد فيها ما يتكلم
عن معاناه لاحدنا وكأن من كتبها هو انا لانى بالفعل اعيش
مع القصيده المؤثره او القصه المؤثره واتمنى ان لاتنزعجوا من احزاني

اخترت لكم قصيده من شاعر اعشق كتاباته
غني عن التعريف هو الشاعر الامير عبدالرحمن
بن مساعد مع ان الصبح انتهى ودخلنا مرحلة المساء
ولكن قصيده اعجبتني واحببت ان اكتبها لكم
عساها تنال اعجابكم والف شكر لمن اطلع عليها


يسعد صباحك .. ياحبيبي

حالي طيب



كل شي مثل اللي كان

المدامع .. والمواجع .. والامان اللي اختفى لحظة غيابك



والليالي اللي مضت مثل الليالي اللي مضت

الهم عازف .. والدمع نازف .. والعمر في غيبتك حاير وخايف



حتى جراحك وسط قلبي مثل ماهي

وفي شفاهي باقيٍ نفس الكلام اللي بقى .. اخر لقى

مثل منتَ ياحبيب الروح شايف

كل شي مثل اللي كان

وحالي طيب

يسعد صباحك .. ياحبيبي



هذا انت

كل ماظقتبي الدنيا تغيب...

وكل ماظاقتبك الدنيا تجيني



هذا انت

ان كساك الهم صرت اوفى حبيب

وان نساك الهم تتباها بانيني



مثل منت .. دايم تجي في وقتك حبيبي

بعد ما وقتك يروح

يا آخر دموعي وشجوني..

وأول احساسي جروح

مابقالي من عذابي ياحبيبي .. الا انت

وهذا انت ياحبيب الروح شايف..

كل شي مثل اللي كان

وحالي طيب

يسعد صباحك .. ياحبيبي



هذا ضي الصبح .. او هو بعض نورك

هذا همس الرود .. او دافي شعورك

منهو مثلك في غرورك



جيت متأكد بسامح..

راسم الطيبة ملامح

ماهو بدري .. انت تدري

ما قتلني غيابك اكثر من حضورك



ايه كان العمر داكن..

ايه كان الهم ساكن.. وقتي بعدك

بس انا ياضي عمري .. كنت عودت الاماكن تئلف بعادك وصدك

ياللي مايرضيني ضعفك..

ماادري انثر فوق كتفك اغلى دمعي .. او اردك


موجة حزن يعقبها امواج من الاحزان