مرحبا اخوي عبد الله

هذي والله فعلا مصيبه
احيانا والله نشوف السياره تمشي نحسبها تمشي لحالها
اثاري السواق طفل صغير لدرجة انه مهب مبين

المفروض على اولياء الامور انهم ينتبهو لهالامر
قبل لا يندمون على اهمالهم وقت لاينفع فيه الندم

المصيبه الاكبر ياخوي اذا كان هذا الشي يحدث بعلم الاب
واحيانا بطلب منه
اذكر لك قصه صارت لولد خالتي
كان توه ماكمل 11 سنه ولد عمه اكبر منه بسنتين
كانو يسكنون بقريه وكان ابوه من النوع اللي تجيه حالة كسل احيانا
فاذا كان فيه مشوار يعطي ولده المفتاح ويخليه يروح لهالمشوار
في يوم كان جايهم ضيف وكانو لازم يودون الخروف عند الطباخ
المهم عطى ولده المفتاح وخلاه يروح وهو بالطريق لقا ولد خالتي
وركبه معه وانت عارف اطفال لوحدهم بسياره ..اكيد انواع الاستعراضات
مكان منهم الا صدمو بعامود الكهرب
ولد خالتي توفى على طول الله يرحمه ويجعله خير شفيع لوالديه
وولد عمه كسور واصابات خفيفه
وهذي النهايه
وش استفاد الاب غير انه ضيع ولد اخوه وكان بضيع ولده لولا لطف الله
هو صحيح ان هذا يومه ‍‍‍‍..لكن لكل شي سبب
القصص كثيره من هالنوع
ياليت الاباء ينتبهون ويتوعون
قبل لايجنون على عيالهم وعيال الناس