بس يكفي لا تقول ولا تعيد لاتهل دموعك وتطلب رضاي
لاتزيد اعذار عذرك مايفيد لاتدور كم بقالك من غلاي
ياصغير السن مشوارك بعيد صعب دربك كانك ابتمشي وراي
الزمن قاسي وانا ادريبه عنيد من عنا جوره يصورلك عناي
الشقى متربي باقصى الوريد عشت عمري والشقى عايش معاي
من تجارب دنيتي غنى القصيد حبي الصافي وصدقي في وفاي
وترجم احزان بقلبي ماتبيد من جروح نارها داخل حشاي
ياغريب الطبع قلي وش تريد بعد ماصديت عني ليه جاي
بعد تهديدك وظلمك والوعيد صار تفكيرك وحلمك في لقاي
بعد هجرك لي بقلب من حديد صار هرجك يسقي العطشان ماي
خاين وغدار منّك مااستفيد ياسراب الموت ماتروي ضماي
رح بدربك يكفي قربك لاتزيد وخاف ربك لاتضحي في سواي
خلك ابعد من محيطات الجليد وخلك ابعد من نجوم في سماي