[poet font="Simplified Arabic,12,white,bold ,italic" bkcolor="" bkimage="http://www.geocities.com/l_p_sa/love_patient15.jpg" border="outset,10,blue" type=0 line=200% align=center use=sp char="" num="0,royalblue"]
كانت الصوره جميله...وكان في الصوره طفل
وخلفنا كانت مره تلبس عباه...
واطرف الصوره ولد يضحك صباه...
وقربنا حطت حمامه...قربها حطت حمامه
تذكرين اش كثر كانت ابسط الاشياء تثير الانتباه
وفي البعيد احتفظت الصوره بمنظر مهر جامح
وفي البعيد فاخر الصوره شخوص بلا ملامح
تذكرين اش كثر كان الوقت..شفاف وحنون وطيب و مبهج ودافي متسامح
وكان في الصوره وهذا اجمل اللي كان في الصوره...طباعك
نظرتك و الشيطنه في داخل عيونك...جنونك ... واندفاعك
بسمتك لما تطوقني ذراعك...
اذكر انك قبل ندخل الصوره في لحطه التفتي لي
وقلتي قول احبك...
قلت اخاف ليا تكلمت احرم اذني من سماعك
كانت الصوره جميله...كنتي في احلى نفانيفك
كأن الصبح ضيفك...
او كأنك من كثر ما كنتي انتي كنتي طيفك
كنتي في اكثر مواعيدك وفا
وكنت انا في ايديني دفا
كانت الصوره جميله....وكان في الصوره طفل
فهد عافت

[/poet]