اوصلت حواء
<< اشك فيتس ههههـ
الله يا السواقه .. بالنسبه لي بما اني مبتدئه ابوي يقول لاتدعسين بنزين خليها تمشي على هونها
هههههه انا عن نفسي ادعس بطرف اصابعي لاني عارفه ان حطيت رجلي وصلت المريخ
اما عن قيادة ذوي الله يحفظهم فهي فنووون ههههـ
ابوي الله يحفظه سواقته راااكده لاهوب يسرع و لاهو بطئ ... ملتزم باللوح
بس احيان تجيه حاله ويحط رجله .... ماتهور في شبابه بيتهور على كبر هههه
و سيارته كامري اتوقع موديلها 2000 كحلية اللون و السوم يبدا من 30 الف ههههـ
اما بالنسبه لطموحه اتوقع جيب لانه كان يطلع من جيب و يقطنا في جيب
بس اتوقع هالطموح راح يوم زينو شواراع حارتنا هههه
اخوي الكبير يحسسك انك في مغامره وطاير في الجو مع انك في الارض ههههه
سوقته وسط يسرع احيان بس مو كثير ولي جاء يلف قال اوووووو وميل مع الدريكسون
مع ان اللفه خفيفه بس يحسسك انه لف بقوه و يدخلنا بجو السرعه و التهور تقل في بلي ستيشن
يدخل احيان بين السيارات بس برشاقه مايسوي كوارث
كان عنده فورد و حاليا سوبر مدري عاد وش طموحه هههههـ
اخوي الثاني كارثه يسرع ويدخل بين السيارات
لي ركبت معه تحس انك بوسط الشارع و السيارات تتلقفك و تقول يالله الخلاص
وماودك تركب معه مره ثانيه بس الظروف القشره ههههـ
و يقهرني لي كبس للي قدامه واللي قدامه مزنوق وقدامه رص سيارت
وين تبيه يروح !!
والا اذا كبس للي قدامه و اليمين و اليار فاضي .. طيب دام انك مستعجل
لفت انت وش لك بالضعيف !!
طموحه سابقا دداسن ثم قرنبعات واخير عنده كامري اتوقع 2004
اما طموحي انا هالمزيونه ... اعشقها مدري ليه ..
وكل ماشفتها بالشارع قلت لابوي : لاسقنا ابي زي هذي
نفس اللون بس فيه موديل اجد اشوفه باشوارع تجي ارز من كذا و الهيكل مرتفع شوي عن الكفرات
.
.
.