شغب x شغب x شغب

قبل كم يوم كنت قاعدة اتذكر تاريخي المدرسي... وقعدت افكر لأي درجة كنت مجرمة مع المعلمات

راح اقص عليكم بعض المواقف اللي حصلت معاي في المدرسة...

الموقف الأول:
الحصة: (حصة كهرباء)
كنت طالعة من حصة الكهرباء مع الربع ووقفنا على الدرج نتكلم على ما يطوف ربع ساعة من الحصة الثالثة بعد شوي كانت معلمة الأعمال المكتبية راكبة على الدرج فأخذت كتاب الكهربا ورميتة فوق راسها :D>>> القهر وما يسوي.... ولحسن الحظ ما كان اسمي مكتوب على الكتاب:p .....
ولحسن الحظ بعد انها كانت مستعجلة وايد والا كان لها تصرف ثاني معانا
|3|.... بس فعلا برد القهر منها هذاك اليوووم

الموقف الثاني:
الحصة: (حصة انجليزي)
كان درس عن الحشرات.... وكان درس فعلا عجيب قبل ما ندخل الحصة بشوي قررنا انه نجمع شويت حشرات للدرس:D... ورحنا نجمع اليرقات اللي نحصلها على الشجر ونحطها في علب:D.... ولما تجمعنا كانت كل وحدة منا حاملة علبة مليااانه حشرااات وكانا قرابة 15 بنت ولمعة في بالنا فكرة جنونية فدخلنا الصف وحطينا كل الحشرات اللي جمعناها على طاولة المعلمة:D.... ومسكينة هالمعلمة على نياتها... كانت عادة المعلمة انها ما تطالع شي غير اللوح اول ما تدخل الصف... فراحت حطت كتبها وكتبت عنوان الدرس على السبورة وحطت ايدها على الطاولة ولما حست شي يتحرك تحت ايدها طالعت الطاولة وطلعت وهي تصرخ من الخوف|1|:D>>>
يومها وقعنا احنا 15 على تعهد:p..

الموقف الثالث:
الحصة: يومها كان اختبااار
كانت الحصة حصة اختبار احياء حطينا موزة بين المقاعد ولما خلصنا من توزيع الأوراق صارت معلمة الأحياء تمشي بين المقاعد وفجأه طااااخ طاحت المعلمة المسكينة:D... بس الحلو انها كملت مراقبة ولا كأنه صاير شي:D

الموقف الرابع:
الحصة: (حصة علوم)
معلمة العلوم كانت تثأثأ وتفأفأ وتتكلم مثل دافي دك وللي ما يعرف دافي دك اقوله انها البطة السودة اللي تطلع في الكارتوون، ومن عادة معلمة العلوم انها لما تشوف احد سرحان تقومة عشان يقول الكلام اللي قالته، والشرح ياسلام عليه تحفظ الكتاب وتسمعه قدامنا|3|
وهذاك اليوم كنت حافظة الدرس وبصمتة زين
ولما كانت المعلمة تشرح وتقول: ((ينتقل الففففتات الثخري الناتج من عوامل التجوية من من من مكانه إلى اماكن ااخرى يترثب فيها وهذا ممما يطلق عليه اثم التعرية أي ان المكان تعرى ممن ففففتات الثخور ويتحرك الفففتات الثخري بففففعل عوامل تثمى عوامل التتتعرية ممثل....))
واهني قطعت كلامها وطالعتني|3| وكنت مسويه روحي سرحانه مع اني كنت اسمع كلامها زين حتى اتصيد الثأثأه والفأفأة زين
وصرخت فيني|3| يا فلانه قومي عيد الكلام اللي قلته، وقفت وقلت لها: انا
قالت لي: أي انتي عيل انا|3|
قلت انشالله:D
وبديت اعيد لها الكلام: (( ينتقل الففففتات الثخري الناتج من عوامل التجوية من من من مكانه إلى اماكن ااخرى يترثب فيها وهذا ممما يطلق عليه اثم التعرية أي ان المكان تعرى ممن ففففتات الثخور ويتحرك الفففتات الثخري بففففعل عوامل تثمى عوامل التتتعرية ممثل)):D
وصار وجه المعلمة احمر على اخضر على اصفر ما ينعرف اللون... ومن يومها ما قومت بنت سرحانه تعيد الكلام اللي قالته

الموقف الخامس:
الحصة: حصة اختبااار
هذا الموقف ما صار معاي ولا شفته او حضرته بس حبيت اقوله
كان في صف من الصوفوف عندهم اختبار ولما صار وقت الصلاة فرشت المعلمة سجادتها عشان تصلي ... وطبعا الطلاب يعرفون شغلهم لما تنزل المعلمة راسها عشان تسجد... ولما حلصت المعلمة من الصلاة قالت للطلاب انا تركتكم صحيح ما راقبتكم بس الله يراقبكم واكيد كنتوا عند حسن الظن.... مسكينة ما تدري انه طلاب هالايام طييييييط:D

ههههههههههههههه

وااااااااو

ذكرتيني بأياام الثانوي

<<<<<<<< مسوي فيها كبير:D

الظاهر انكم عايشين الثانوي بالطوول والعرض ..

ياااااه من جد كانت ايام حلوووة لي في الثانوي

ايام اولى ثانوي كنا سته اشخاص ماسكين الزاويه في الفصل

المدرس اول ما يدخل يؤشر باصبعه بس واذا وقفنا يؤشر على الباب وحنا علينا الباقي:D

حتى المدير حسناه والوكيل غثيناه والمرشد الى هاليوم وهو يدعي علينا:p

بس الله يعينكم في الجامعة .. في الجامعة النظااام مايرحم:o

لا أوصيك الوافية .. خذوا هالسنه بالطول والعرض

واتركوا بصماتكم في كل زواية بالمدرسه

والغياب لااوصيكم كل ماصحيتوا وانتم مالكم خلق غيبوا:D

هلا والله بسمير مشكور على الرد

وبالنسبة لأخذ الثانوي بالطول وبالعرض لا توصي حريص
احنا من السنة لأولى ما خلينا زاوية الا وبصمنا عليها

وبالنسبة للغياب بصراحة انا لو على بودي كل يوم اغيب
بس المشكلة انه الغياب يأثر على المجموع وايد ولو غبت معدل ساعات معين اكون محرومة من الامتحان....
بس اكيد راح نعوضها في اشياء ثانية

للجميع التحية والسلام

بل بل ..

كل هذا يطلع منك ..
وانا اقول وش هالبنت ..ما تهش ولا تنش ..
واتاريك كلك شطانه ..الله يعينك من درسوك ..وعسى ما جاهم تكفير

لكن تعالي انت منين ....استغرب بنات ويدرسون كهرباء ..

والله مواقف حلووووووووووووووووووووووو ه ه ه ه

آخ منج يالمشاغبة

أكتشفتج في تجاري أنتي بعد بنات التجاري مايلاعبون:D:D:D

عجل إحنا لما تجي حصة العربي كلنا سكوووووووت بنصور

خياش منرزحين في مكانا

الله يعينا

خلج عاقلة يالوافية لا بكس الحين:D

السلام عليكم ورحمة الله وبركاته
وصلى الله على سيدنا محمد وعلى آله وسلم

أما عليك موافق تموت من الضحك،،، خصوصا الحشرات.

تسملين يا المشاغبة...

زهرة بنفسج.

اويلي بس ما اكون خربت الصورة
اهلا بك الباحث عن
شرفت الموضوع

بالنسبة لأنا من وين انا من البحرين
والكهربا مقرر اختياري يعني نص الصف كهربا والنص الثاني مادة غير
وكانت اعمال مكتبية
وانا اخترت الكهربا طبعا

************************************

هلا بنت البحرين هلا والله
انا في علمي لوكنت في تجاري كانو المعلمات في خبر كان

************************************

هلا زهرة اشكر تشريفج الموضوع

أهلين وافية شو أخبارك
أما عليك شغلات حلوووة
أحب الشقاوة بس مشكلتي
إني ماأقدر اسويها لأنه اختي معلمة بنفس المدرسة
وكل يوم قبل نروح من البيت وفي السيارة لين نوصل
باب المدرسه وهي مرة توصي وعشر مرات تهدد
لو سويت شيء غلط
عاد أنا أعقل بسبب التهديدات
والا الوصايا مزلبتها :D
تسلمين وافية عن جد مواقفك توت ياتوت



بنقاء سريرتي
وصفاء قلبي
أتمنى لك السعادة

ههههههههههههه

الله لايوليكم على مسلم

هلا اردينا سعيده بتشريفك للموضوع
وبانسبة للنصايح ياما اسمعها من خالتي
بس اللي ينسمع من الاذن دي ينقط من الاذن دي

**************************************
هلا اخوي الكاسر
شرفت الموضوع