بنيت رجمٍ امس باطراف لينه.......

بنيت رجـمٍ امس باطـراف لـيـنــــه = شمال من رغـوه بعـيـدٍ عن الـقار

في فـيـضـةٍ شـمـر لنا محـتـمـيـنـه = عـند العـديلي راعي الطيب والكار


حـمـود العـديلي بالـكـرم خابريـنـه = عـز الله انه مـكرم الضيف والجار


وابو فـهـد الله يسعــد سنـيـنــــــــه = غـدير صيفٍ في متاهـات الاقـفـار


عـز الله انه مثل صاري السفـينـــه = وله عـندنا بالقـلب حـشمه ومقدار


لـنشفـت الاريـاق يـشـر بعــيـنـــــه = يشـر لـذيبٍ من (بني اخيه) جسار


ذيبٍ على الـفـزعات يضوي جبينه = من لابة الـهـيـلا طويليـن الاشبـار


والشمس غابت والقـمر محـتريـنـه = وصفـر الدلال مبهـراتٍ عـلى النـار


تمتعوا والعمر يقضي بـحـيـنـــــــه = وكثر الحذر مازاد في طول الاعمار


وخلوا الحزن لعيون راعي المدينه = دام النظر يرتد من سقـف لجــــــدار


احمد بن عبدالرحمن العريفي
(نديم المجره)

حيااااك الله يانديم المجره والحمد لله على السلامه بعد غياب طويل وأهلاً وسهلاً بك

وصح الله لسانك وأعتلى قدرك وشأنك وبيض الله وجهك على هالقصيده الجزله والجميله

سلمت وسلمت يمينك والله يقويك ولايهينك وفيت وكفيت هذا ولك خالص تحياتي

..~
صح لسآآنك وسلمت يمينك
ابيات جزله يعطيك العافيه ولا هنت ..,
تقديري لسموك الكريم ...
..~