وا قلبي الي باح مكنــــــونه !!!!

وا قلبي الي بـــــاح مكنــــونــــه=ينزف عتب وجروحـــه وساعي
في داخلي حسيت بصخـــونـــه=ومن النــدم عضيت الأصبــاعي
ليتي قصرت خطـــاي من دونــه=والنظـــــرة الي مـــالهـــــا داعي
ريم نطحني دعج عيـــونـــــه=ومحجب بكـفـوف و قنــــــاعي
ملهوف خصر شقــــر قرونـــــه=من فوق ردفـــــه كنـــها شعاعي
والعود يشبــه غصن ليمونــــه=مزهر و فوقــه غض الأطلاعي
سرب النحل غنى على متونـــه=بين الزهر في وقت مربـــاعي
ما يعرف المكيـــاج و فنونــــه=حاليــــه ربي حسن الأبداعـــي
ومقيـــد يمشــــي على هونــــــه=بين الجبل و الطعس و القــــاعي
وبــــدال مـا يلطف بمضنـــونــــه=صوب سهـــامـه بين الأضلاعي
جرحه بقلبي غارت طعــــونـــه=ومــالــــــه دوا بالسوق ينبــاعي
وما ينغسل حبـــه بصــابونـــه=وما ينقضــــه ضراب الأوداعي
ومالــــه هل عنـــي يردونــــه=واليـــوم دمي يالمـــلا ضــاعي
عنــه أنشد الجهــــال وشلونـــه=غــــلاه مـا ودي بـه يذاعــي
القلب عقبه صـــــابه ليونــــــه=قبله وانا مر و أمري يطـــــاعي
واليــــوم نفسي معـــه مرهونــــه=يــامر وأنا لــه عبد مطــــواعـــي
هولو درى إني صرت مجنونه=إرتحت من همي و الأوجاعي
والموت بعـــده صار يــا هونــه=دونـــــه حياتي مــا لهـا داعـــي

صح لسانك يالشاعر الا ما انت صغير

ما شاء الله عليك

صح لسانك
و
يسعد ايامك

الشاعر الصغير

ابيات جميله وممتازه

لكن ليست من شاعر صغير
انها من كبير ومتمرس

سلمت يداك ولافظ فوك

..................................

اليك الابيات التاليه
مجرد مشاركه لا اكثر

تفضل
....

يالشاعر اللي زانت لحونه= احزم كراعك واحزم اكراعي
الشعربان وبان مظمونه= تشد طنب وتنصب شراعي
ابك الغظى هذاه وشلونه= عساه اجل من حسن الاطباعي
علم هله لا لايخلونه= يسعون بالاصلاح ياذراعي
ماقلت لي عن لمعة اسنونه= ياليتها تلمع تلماعي
ان كان حال البعد من دونه= خل الغنم لومالها راعي
لاتاكل المشمش وزيتونه= تجلب لك الامراض واصداعي

اخوي الجسر صح لسانك
مجاراه ولا احلى


واكرر اعجابي بالشاعر الصغير

	المشاركة الأصلية كتبت بواسطة فجر...

	صح لسانك و يسعد ايامك

يا هلا بالفجْر

سلمت أناملك و أشرقت أيامك

تحياتي

	المشاركة الأصلية كتبت بواسطة الجسر

	الشاعر الصغير ابيات جميله وممتازه لكن ليست من شاعر صغير انها من كبير ومتمرس سلمت يداك ولافظ فوك .................................. اليك الابيات التاليه مجرد مشاركه لا اكثر تفضل .... يالشاعر اللي زانت لحونه= احزم كراعك واحزم اكراعي الشعربان وبان مظمونه= تشد طنب وتنصب شراعي ابك الغظى هذاه وشلونه= عساه اجل من حسن الاطباعي علم هله لا لايخلونه= يسعون بالاصلاح ياذراعي ماقلت لي عن لمعة اسنونه= ياليتها تلمع تلماعي ان كان حال البعد من دونه= خل الغنم لومالها راعي لاتاكل المشمش وزيتونه= تجلب لك الامراض واصداعي

لا هنت و صح لسانك أخي الجسر

أشكرك على إهتمامك و مشاركتك الظريفه

تقبل تحياتي و تقديري

أبيات رائعه اخوي


صح لسانك

وسلم بنانك

	المشاركة الأصلية كتبت بواسطة الراقيــة

	أبيات رائعه اخوي صح لسانك وسلم بنانك

تسلمين أختي الراقيــــــــه

أشكرك على حضورك و مشاركتك الطيبه

تحيـــــــــــــاتي

حيـاكـ الله يالشـاعر

عدت من بعد الغيـآآب صح لسـآآنكــ

لاعدمنا مشااركـآآتكـــ


::