هذا ما سترونه عند هنــــــــــــاك

01 / 05 / 2005, 43 : 01 AM

إخواني أخواتي أينما كنتم وحيثما تكونون بعيد أو قريّب

السلام عليكم ورحمة الله وبركاته وبعد

عندي ،،وش اسمه،، موضوع أحب أستشيركم ،، هاه،، فيه

الموضوع ،، هاه ،، يتعلق ،، هاه،، بأمر مهم جدا

يا الربع

أنا في شهر رجب ( الغرّا) القادم عندي استفتاح مشروع ضخم مرررررررررررره مرررررررررررررره

والمشروع ،، هاه ،، بيكون مكسبه مثل أبو قميره ليلة 15

واللي بيشارك معي ويساهم ما عليه الا يقابلني وأكتب معه عقد الشراكه ويتوكل على الله سبحانه

ولا أحد ينسى يعطيني رقم حسابه علشان ما أتمرمط إذا جيت ارسل له المكاسب

والمشروع ما نيب معلمكم به هنا لأني بالعربي (( خايف يمنعونني الإدارة ويزعلون )) لأن حقوق المنتدى محفوظه

بس اللي يبي التفاصيل يسيّر علي عند الحلال ومايصير الا كل خير

يالربع المشروع طيب والارباح نتوقع أن تكون 78% خلال الربع الثالث من السنة الميلادية 2005 هـ

يعني شهر الغرّا وقصيّر ورمضان وفطر أول وفطر ثاني والموسم ثم نوزع الارباح

والشراكة مستمرة يعني كل دايم كل دايم كل دايم كل دايم كل دايم كل دايم نرسل لكم ،، هاه ،، الارباح

وابوصّف لكم مكتبي عند الحلال واحفظوا الوصف

( تطلع مع الطريق السريع ثم تخضب تخضب لييييييين يجيك كبري الابل ثم انقز معه مشمل وخل

الكبري على ظهرك ثم اطلع مع الخطوط اللي تنصا الضلع ثم ليا قطعت الوادي اللي في فيّة الضلع العصر وانكفى

بك الما غادي الزم التمهيده ثم روح عيار بندق لين تخلي كمب الشركة على حجاجك الايسر ثم ليا تزلفته اكسر يمين

من عند خشم الضلاع ثم تشوف الوايت وعنده بيت متوسع وغرفة متنقله وحلالنا اباعر ونعيم

وفيها حول الثلاثين معزا .. ترا الغرفة اللي يم ذنب الوايت هي المكتب . واذا ما لقيتوني بتلقون

الراعي ( السوداني) اسمه صباح الورد . قولوا بنساهم مع هاك الرجال وبيسنعكم ..

عسى الوصف ضبط ؟؟؟؟

يالربع تراي جاد ما امزح

(((( والرجاء الرجاء ما أحد يكتب رد على هالموضوع أبد الا واحد بيساهم .. اللي مهوب مساهم لا يرد

منعا للإحراجات )) .. ولاهنتوا والسلام عليكم

01 / 05 / 2005, 05 : 03 AM

والله وصف فانتاستك نقره لعرض الصورة في صفحة مستقلة

سلملي على الوصف نقره لعرض الصورة في صفحة مستقلة

عز الله ضعنا خخخخخخخ

سجل أول مساهم

بس تبينا نساهم بالاموال والا بالمجهودات والا نقره لعرض الصورة في صفحة مستقلة

.

01 / 05 / 2005, 47 : 03 PM

الغااااااالي ابو تركي

مساااااء الانواااار

ياخي انا طريقة الوصف هذي مني فاهم منها حاااجة مررررررررره

فيه كلمااات كدا مني فاهمها

حتى رحت لواحد من جماعتكم البدو وقلتلوا هي ما رضي يقولي

ايش معناها

لكن شووووف حبيبي

انا رااااح انتظر عند معبر الجمال

الله لا يهينك ارسل لي السواااق حقكم ياخدني للمكتب تبعكم

واعتبرني مشااااارك براس ماااالي كله

وانتا عاااارف راااس ماااالي

رااااس مالي محبتكم يا بدووو

تحيااااااااااااااااااتي للجميع

01 / 05 / 2005, 03 : 05 PM

السلام عليكم ورحمة الله وبركاته

أخوي الغالي( أبو تركي )

أرحب حياك الله يالعتيبي وشلون حالك عساك بخير وشلون الربوع كلهم عسى لاخلاف ولامخالف على أحد

وشلون دياركم عسى المفالي مربعه والحلال يشبع وعساكم عندكم غدران قريب تشربون منها

زانت علومك يالسنافي وأن سهل الله الأمور وتدبرت القريشات نبا نجيكم بمكتبكم عند الحلال ولكن وص الراعي يعقل البل أللي بها

جفال خبرك سيارتي الونيت الحمر ....أيه الشكمانين ....... ليا جيت مع الفيافي والفياض الخليه ماتسمع ياغير هدير شكامينه تقال أنه

جملٍ هادٍ فيه الهياج وأخاف يجفل الأباعر . والله الله بالرفيق حطه من كبار المساهمين معك دامنك حاط (ن) المكتب عند البل والله

وأنعمت مكانٍ براح ولابه وزارة تجاره ولاسجلات تجاريه أدفع الرسوم مرررةٍ وحده وتريح .

وبيض الله وجهك وصفك للمنزل وصف ظلماء مايغدي من بغاك مير البندق اللي نمشي على عيارها وشهي لاتكون حودشيه وألا مقمع

أخبرهن مايكبن العواجه والشتله يسار مير نبا ندل أن الله أشاء .

وأسلم وسلم لي على الربوع كلهم . فمان الله تمسوا على خير.

01 / 05 / 2005, 09 : 06 PM

جنــــــــــــــــــــــــــــــان

صحيح عرفتي الوصف ؟؟؟؟؟

تراي ما أمزح جاد . جاد

ان كنتي عارفه الوصف فالحمد لله

والمساهمة بالمال فقط

شكرا لكي على نية المساهمة وأتمنى لكي التوفيق

.................................................. ....

أبو رهووووووفة

برسل لك السواق سواق الوايت بس بتنتحر إذا جا بينك وبين الهوا هههههههههههههه

معقولة إنتا ما تعرِف الوصف هادا ؟؟؟

أيوا أنا صدقتك لأنكم يا أهل المدن الحضُر مابتفهمو المصطلحات الرملية يابويا

لكن ما عمركم جلستوا مع واحد من البداوات يفحفظكم المفردات الرملية ؟؟؟؟

علينا يا محمدي؟؟!!!

أقص يدي يا شيخ إذا انت منت فاهم كل مفرداتي الرملية !!

أقول :
لا يغركم كلام المحمدي
تراي انا وياه سنين وحنا عند البل بس في (لبنان) وشبعانين من هالمفردات :D

شكرا على مساهمتك براس المال هذا يا الشبابي

تحية معطرة لإلك

.................................................

عازف

ههههههههههههههه

الربوع بخير ( والثلوث تمام ) .....>>>> واحد ما يفهم بسهوله هههههههه

والحلال ميّة ميّة

والبل تسرك حالها يا طيب الفال

وما ناقصنا الا مساهمتكم يا عصابة راسي

الله يحييك نحنو في انتظارك

وفي انتظار مساهمتك

قرب قرب يا راعي الجمس

تحية طيبة يا عازف لحضرة جنابك والسلام

01 / 05 / 2005, 24 : 10 PM

ياهــلا والله وغــلا ومرحبا فيك تراااحيب المطر والسيل

أخوي أبو تركي

والله أن هالعلوم عندي أزين من علوم بعض الأوادم أللي ليا جابها وألنها حادرتن الوادي عوجا يالله دخيلك

والأيام الباقيه وش نصيبها وألا تبا تخليها بعد المساهمات

هههههههههههههه

مير الله يجعل الأمور كلها لك تساهيل والله لايخسر المسلمين تعبهم

وعساه يسلم لي راسك ياراعي الطيب

أما راعي الجمس فهو قريب وشادٍ حيله مع التمهيده ويدور عيار البندق ههههههههه

عشت ويامال الصحة والعافية وجعلك دوم ذخر يالغالي

تقبل مني خالص التحية والتقدير؛؛؛

02 / 05 / 2005, 05 : 01 PM

بسم الله الرحمن الرحيم

السلام عليكم ورحمة الله وبركاته

أخواني وخواتي

صباحكم قشطه وعسل وبعد مربى تجي ليه ماتجي

جيتكم ناصح

ولا بتهم احد ابد

لكن مثل ما تعرفون كثرة الأيام هذي الشركات والمضاربات

والاسهم حتى التعليم دمجوه>>>>>وش جاب الطاري؟

هههههههههههههههههههههههههههههههههههههههههههههههههه ههه

الحاصل اعرف واحد من اعضاء الوئام

كان له اسم وغيره

العضو هذا له نشاط سابق في توظيف الأموال

منذمبطي سوا شركة ووظف وساهم وفعل وحدر

حتى كان يحط هدايا وسحوبات على ( عليان )

وكان يقول: لا........ لجيل الدريم ويب والهمبرجر

وشعاره بيب بيب

الحصل

العضو هذا اخذ راس المال وانحاش

تبون الدليل >>>>>صح؟

انا واحد من اللي شارك معه وجبت له باصين موظفين من مكه

المهم

تراني سمعت انه مغير اسمه ومعنا ويمكن يرجع لنا بنفس الشركه

ويوم شفت الموضوع حبيت احذر فقط لاغير

طباعاً لحد يفهم اني اقصد الغالي ابو تركي

ابد مقدر اتهم احد

وسلامتكم

الذين يشاهدون محتوى الموضوع الآن : 1 ( الأعضاء 0 والزوار 1)