ثـلاثـيـنـي مـن الأعـراب !!!

بسم الله الرحمن الرحيم

\

....لا يملك المرء الخيار في أتخاذ قرارٍ مصيريْ فكل ما في الأمر أن الأنسان رهن الزمان والمكان لا رهن الحلم والأمال , فقاتل الله حلماً لا يصدقُ يوماً وأملاً يكون داءاً نمارسه نحن لا هو من يمارسنا

.
.

للعمر لذه , وأبشع العمر لا فـات=في فرغـةٍ مامـن وراهـا مثوبـه
أعمار هدم صروح واعمار رايـات=ووجيه باحة صدق , وأنفسْ كذوبه
وابيوت ساحة طهر , وابيوت حانات=لأبشع صور للـي تصاغـر ذنوبـه
وأبلاد مأوى قوت , وأبلاد إقامات=وقصرٍ مضيف وقصر ماني بصوبه
وأحلام شذرة فكر , وأحلام غايات=وأحداث دفعة سو ْ , وأحداث توبه
وربعٍ مآثر عز , وربـعٍ عصابـات=وقلبٍ ملاذ, وقلبٍ آخرشبوبه
وصبرٍ نتيجة عجز , وآخـر كرامات=وحبٍ فراغ , وحبٍ آخر آعجوبـه
وثوبٍ يليق ولو بخمسـة ريـالات=وجسم ٍ لبس له ثوب ماهوب ثوبـه
وديـنٍ مسـار لجنـة ٍ بالسمـوات=ودينٍ على راعيـه شـر وعقوبـه
وناس ٍ وساويسٍ ونـاسٍ قناعـات=وجوٍ عليل , وجو ما اقسى هبوبـه
وحرفٍ يكفْي عن مئات الكتابـات=وكتاب ربي خير لـو هـم قروبـه
يا كثر ما نبني ونهدم علاقات = بنية مشاعر ماهو ببنّي طوبه
لكن على الله يا أختلاط الحضـارات=قلبي على هونـه ويـا دوب دوبـه
ما عاد ينطـق غيـر يالله سلامـات=اشواك بقعـاء كاسيـاتٍ دروبـه
هذي ثلاثيني بوجهي علامات=مثل اليتيم اللي بكى اطهر عيوبه
عيبه يتيم ولا لقى شي يقتات=ألا شماتة عالمٍ ما دروبه
صدري شكى من زحمة ألااام وأهآآآت = وقلبي غفر للي بغدره نووبه
وعيني ملاذ لدمعةٍ كل ما جات = ما كنها الا ضيف يلزم وجوبه
آآحـّاااه من كبتي وخوف النهايات = الصبر يذبح والتكتْم يشوبه
أحلامنا راحت مع آجروحنا أشتات = والوقت يسرقنا وتدحم جنوبه
وش عاد لو عشنا بضل الطموحـات=من قال ابي يا وقت يبست جيوبـه

.

.

.

مماراق لي

للشاعر : عبدالرحمن السمين

.
.
.

احدى روائع السمين

وهي آخر ماكتب هذا الشاعر

والمصادفه انني للتو كنت أقرأها في موقع شظايا ادبيه

رائع هذا السمين بالشعر

وذوق رفيع منك عازف

تحيتي

والله السمين ما هو سهل ولا يجيب إلا السمين ماشاء الله عليه


يعطيك العافيه راع المشاعر ومشكور على تواجدك

قصيده رائعه من شاعر مميز


صح لسانه

وسلم ذوقك وبنانك ياعزوووف

..................

...

سمين وشعره سمين





شكراً لذوقك الرفيع عازفووه


كلك ذوق


...

ابيات اشتملت على حكم وأمثال

قصيدة لا يكتبها الا شاعر متمكن من بحور الشعر ,,

يعطيك العافية عازف ,,

قصيدة كل بيت منها حكمة بذاااته

قصيدة غير عن كل القصاايد امثال حكم اعجبتني هذه القصيدة بكاملها ..شاااعر متمكن حكى لنا تجاارب وخبرااات بحكمة جميلة جدااا

صح لسااان قاايلها
سلمت اخي عاازف وسلمت يمينك على النقل
اسعدك ربي دوووووووووم