لا فطامي ..كافي ..تعالي

للجميع التحية والسلام

هلا فطامي ..

وشلونش ..اختي ..والكويت معك

اعنبوا بليسك وينك ...طناااااااااااش ..:D :D

انتي رديتي علي في موضوع..فطامي اعتذر

بس حبيت اعتذر لانك شكلك ..ما عاد مريتي على الموضوع ..او رديتي ..وما تدرين وش صار...او انك ما خذتي على خاطرك ..وهذي الظنه لان قلبك كبير ..وانا بعد مثل اخوك ..

اللي احب اقوله اسف ..لانك تعنين للباحث اخوك الشيء الكثير

تحياتي ..لك

فطمطامي ...بااااااي

يا حليلك

هاذي فطامي أعرفها زين

ما أحد يعرفها كثري في المنتدى هذا واسئلها


يا بن الحلال لا تشغل تفكيرك


فطامي الغاليه أكبر من الأمور هاذي


خلاص بالنيابه عنها سامحتك


ارتاح فطامي قلبها الأبيض يوسع بلد

مراحب يالباحث ..شلونك انت انشاء الله طيب اما انا فالحمد لله زينه .. مع انغثاث بسيط من البرامج اللي حاطينها لنا هاليومين مع ذكرى الغزو الحاديه عشر ..


عزيزي اعذرني انا مادخلت موضوعك مره ثانيه .. لاني عقب ماكتبت الرد لهيت شوي وما انتبهت اني كتبت رد وناطره جوابك ..

ماله داعي تعتذر يا اخي العزيز حصل خير واحنا مهما كان اخوان وحبايب ما نزعل من بعض ..

وانا بعد اليوم دخلت هني وتفاجات قلت ابيييه انا شمسويه حق الباحث .. شكيت بعمري والله :D:D

باختصار تسلم وماقصرت وعذرك مقبول .. وشكرا لك لاهتمامك

=======

لمسات .. صج انك ملقوف من يوم ورايح بسميك ملقوف افندي .. شكو تعتذر عني بالله اعرفك تعرفني (( وحده تستعبط :D:D))

خلني اشوفك مره ثانيه تتكلم بالنيابه عني .. اكرك مثل ما اكر السمجه لما اسوي مطبق سمج (( جذابه عمري ماطبخت سمج :D))

هشومي .. اتغشمر وياك .. لاني ما ارتاح الا لما اطلع عيونك شوي :D تمون يالغالي وشكرا لك صح انك ملقوف حبتين بس لقافتك حلوه :D

مرحبا شباب

شكرا لكم علي هالتفاهم والاخوه الكبيره

اخت فطامي ايش اللي صاير لك
في السابق كنت تتواحدين على طول
اما الآن فوجودك قليل
عموما ان شاء الله تكوني بخير

تسلم يا خالد ..

=======

هلا وغلا يالصارم والله تعرف عطله ودوام الصبح اداوم والعصر نايمه وباليل يا نطلع ولا اخوي قاعد على الانترنت وما يهده ابد وكليوم صيحه انا وياه على الخط .. ويالله ابوق لي ربع ساعه اشوف الردود والايميل واسكر الخط ..

معلش انشاء الله تفرج قريبا .. بحن عليه يفتح له خط ثاني ويفكنا