اقتباس:
المشاركة الأصلية كتبت بواسطة عبدالله بن يوسف هدلان العتيبي
سال سيل المشاعر من هماليله=وانسكب مثل طشن عقب رعادي
وانحدر شعري الموزون مع سيله=ثم صخرت عجز البيت للشادي
خربتها الظروف السود اكاليله=بين نبح الكلاب وحظي الغادي
ياليال القهر زودتي الكيله=مع صباح الألم ودروب الاجهادي
ويازمان الشقاء والهم والميله=ياسنينٍ عجافٍ ظلمها سادي
يامواويل حزني يامواويله=ردديني على تلعات اكالوادي
واعزفيني ألم والصوت اباشيله=والصدى من دموع العين ينعادي
غني الحزن فوق الرجم غني له=وذكريني حبيباً غاية امرادي
جيت في موعده والقلب يدعي له=ياعسى ما تشوفه عين حسادي
لكن الحظ صح صح عقب تعسيله=وأكتشف خطة الفرحة لميعادي
والقرار اصدره من بعد تحليله=تم منع الفرح عن جيت اعيادي
دام هذا نصيبي حتماً اتكي له=ومن تعود على الآلام يعتادي
الفرح حلم : لكن صعب تأويله=اكتنفه الغموض وخفت الالحادي
وبين هذا وهذا طاحت الحيله=من يديني وكل اللي بقى عادي
|
ابويوسف صح السانك وبيض الله وجهك بغيت اقتبس بيت وجتهاكلها رائعه
ياسلام عليك شاعريه عاليه بحق جزاله سبك وحبك تسلسل رائع مفردات عذبه
احساس رائع قوة معنى غيرمتغرب عليك كل هذا وشهادتي في شاعريتك مجروحه
ياشاعر بيض الله وجهك تحياتي وعجابي
أنت غير مسجل في منتديات الوئام . للتسجيل الرجاء إضغط هنـا
الفرح حلم 
