يالله ياللي كل حي يسألك .. من روائع الشعر النبطي !!
السلام عليكم ورحمة الله وبركاته
من روائع الشعر النبطي وتنسب إلى الشريف محمد بن عون و القصيدة
طويلة ورائعة وهذه مقتطفات منها(1) :
[poet font="Simplified Arabic,14,white,normal,normal" bkcolor="" bkimage="http://www.zizooo.ws/gallery/27/063.jpg" border="double,4,gray" type=0 line=200% align=center use=ex char="" num="0,black"]
يالله ياللي كل حي يسألك= يا واحد كل يخافك ويرجيك
ياقاسم أنوال الملا من نوالك=وقبضة نواصي الخلق كل بأياديك
تفك عقد أحبال عبد شكالك=مستبرم حبله بعقد الشرابيك
بعيد عن الداني دعا والتجا لك=يا من هو المالك وحنا المماليك
أرمى بحالاتي لذيك التهالك=تفرج عن القلب الذي فيه تشكيك
ماله من الحـيلة إلا الدعا لك=والحيل قصر والأيادي مفاليك
فيلا اقتضى عسرى بحسن الرضا لك= فاحعل لنا صبر على العسر يرضيك
ناشدت داعي البين مالي ومالك=من كل صوب كاثرات دعاويك
قال إن هذا الأمر لا لي ولا لك=أمر قضاه الرب اللي مسويك
لا تعترض أمر القدر في جدالك= ولا تحسب أن اللي مصيبك بيخطيك
قسمة أحظوظ الخلق قسم السوالك=ومكتوب حظك بالفتى في نواصيك
جف القلم باللوح فيما اقتضى لك= أما سعيد الحظ و إلا مشقيك
وأنا أشهد إن اللي كتب لك ينالك=يالعبد ربك باسم حظك يناديك
كل بتقدير الولي طاب فالك=اصبر على ماقدر الله يأتيك
ولا تلوم النفس فيما جرى لك=تبور غالي سلعتك بين أياديك
[/poet]
[poet font="Simplified Arabic,14,white,normal,normal" bkcolor="transparent" bkimage="http://www.zizooo.ws/gallery/27/060.jpg" border="double,4,gray" type=0 line=200% align=center use=ex char="" num="0,black"]
ويلومك اللي مادرى عن حوالك=ولا درى ويش الولي محدث فيك
محد درى ويش الذي صاب حالك= وماجرى لك مع صديق معاديك
بمكايده يبلن الأيام حالك=وعن الموادرد قاصرات مداليك
ماشام بك عن ديرتك عن عيالك=وماعرضك درب الخطر والتهاليك
وين أنت والأقدار يوم ارتحالك=في وسط غبات بها الموج عاليك
مرة يمين ومرة من شمالك=والعرب وي الترك تآخذ باياديك
إن قيل رد البوش واربط حبالك=ضاقت عليك أحرارها والمماليك
فاعزم بعون الله على مابدا لك=واقصد إله العرش حسبك ويكفيك
ياقلب هيد عن تذكر حوالك=واصبر عسى رب الملا يعتني فيك
اصبر عسى تعطى خلف ماغدا لك=رجل اليا سامتك الأيام يشريك
يارب تجير واحد قد رجا لك=عند الشدائد مزبن اللي يواليك
في يوم ماتعطي يمينك شمالك=مثقال حبة خردل من حسانيك
تعطيني مقصودي وأنا اللي أسألك=ياسامع من جاء لبابك يناديك
واختم ملفوظي لنا في مقالك=أزكى صلاة على الهادي الرشد هاديك