اخواني واخواتي أعضاء منتدى الوئااام
السلام عليكم ورحمة الله وبركاااته
بعد غياب أعود وقد تكوون العووده ( خجووله)
أعتذر عن غيابي الذي (قد) يتجدد
لفراقكم شكلٍ عجيب ..!!
صوره مثل كل الصور ..!!
بس السهر غير السهر..!!
ماأقدر أقول إني حزين
لكن بأموت من القهررر..!!
أعووود بهذه المتواضعه التي اتمنى ان ترقى الى ذائقتكم
أدير فكري بين أمسي ويومي=وأرسم لمستقبل حياتي بدايات
فله وسياره ومنصب حكومي=ورصيد بنكي هذا غير العقارات
لين أذكرك ياروح روحي وأشومي=عن كل هذا يارقيق العبارات
يافرحتي لاضقت وأجمل حلومي=يامجمّعٍ كل الأحاسيس الأشتات
ياريف قلبي يامفرّق همومي=يامختصر فيني طوال المسافات
ياشامخٍ بالزين فوق النجومي=كوّنت من زينك دروب ومجرات
ياللي على سر المحبه كتومي=يامكذبٍ لأجلي كبار الإشاعات
ياسلطنة حاكم فؤاده رحومي=يافلسفة عالم وحنكة خواجات
يالعادل اللي يوم تبعد ظلومي=يالصادق اللي صدق غيرك خيانات
يامخليٍ كل القوافي تقومي=تضرب على مدخل فؤادك تحيات
يامجنبٍ وجهي لهيب السمومي=ياكاشفٍ زيف الذمم والقناعات
إقرب فديتك من جميع السقومي=ضمّد جراحي عذبتني الجراحات
ماعاد فيني حيل ضاعت عزومي=كن الحزن من ثومة القلب يقتات
تعال أضمك جعل قربك يدومي=بذرف على صدرك من الهم دمعات
يامشرق آمالي وأمسي ويومي=اسمع طلبتك كيف أبختم هالأبيات
أكيد أحبك هذي آخر علومي=يامنتهى عشقي ياعشق البدايات