قصيدتـي زاد بعيونـي جمالـهـا = واخـذت أنقـي بالمعانـي جزالهـا
واكتب معانيها من الشوق والغـلا= لأمي وأنا اصغر شاعر ٍمن عيالهـا
كتبتها في غربتـي يـوم رحلتـي= لمـا طرالـي بالسفـر ماطرالـهـا
امي وانا بوصف لهـا زود حبهـا= وان ماحكيت لها قصيـدي حكالهـا
امي لها بالقلب والجـوف منزلـه= مكانـة مـاكـل محـبـوب نالـهـا
اقرب من ظلالي وانا وسط غربتي= وانا تراي اقرب لهـا مـنiظلالهـا
ماشافت اعيوني من الناس غيرهـا= ولا خلـق رب الخلايـق مثالـهـا
اغلا بشر في جملة النـاس كلهـم= واكرم من ايدين المـزون وهمالهـا
اتبع رضاها ورتجـي زود قربهـا= واللي طلبته مـن حياتـي وصالهـا
الصدق مرساها والاشواق بحرهـا= والعطف واحساس الغلا راس مالهـا
اهيـم فيهـا وابتسـم يـوم قلبهـا= يسأل وانا قلبـي يجـاوب سؤالهـا
وان اطلبتني شي فزيـت مندفـع= اموت أنـا واحمـل تعبهـا بدالهـا
واصبر على الدنيا والاحزان والتعب= واحمل على متني فطاحـل جبالهـا
واسهر اعذب راحة القلب بالشقـا= واعيش اعانـي بـس يرتـاح بالهـا
تربية ابوي اللي على الطيب بذكرة= اللـي وهبنـي الحيـاه ومجالـهـا
نور لي ادروبي وانا طفـل مبتـدي= حتى تركنـي واحـد مـن رجالهـا
الوالدين اولـى بالاحسـان لجلهـم=وأولـى بتكريـم النفـوس وعدلهـا
اقولهـا وانـا علـى الله متـكـل= والله عليـم بقـدرتـي واحتمالـهـا
ياكلمة اغلـى مـن النـاس كلهـم=ياشمـس بقلبـي بعـيـد زوالـهـا
يافرحة تملي لي الكـون باكملـه= ياشجـرة تكبـر ويكبـر ظلالـهـا
تضحك لي الدنيا ليا شف زولهـا= مثـل السمـا تزهـا بطلـة هلالهـا
والبعد عنها ياهل العرف ماقـدره= لاشـك نـاري زايـدة بشتعالـهـا
ماعيش ببلاد ولاهيـب بأرضاهـا= ولابي عيوني كـان ماهـي قبالهـا
أرض ٍ تدوس امي بالاقدام رملهـا= اموت فيهـا واندفـن فـي رمالهـا
رائعة من روائع حامد زيد