اقتباس:
المشاركة الأصلية كتبت بواسطة عبدالله العتيبي
بين جفن الشوق وعيون الميانه=غمضي ني يوم صرتي مُقلتي
وفتحي عينك على عيني عشانه=صارت أعيونك سواحل غربتي
من يحبك يكفر بمعنى الخيانه=صعب تقبل غير حبك ملتّي
يممي شطري ياعود الخيزرانه=وأشربي حبٍ خدر في مهجتي
ياخشيف الصيد يا أجمل جمانه=خطوتي تسبق لشوفك خطوتي
أنثري كل الأريج وزعفرانه=بعثري دربي ومدخل قريتي
ولم لميني من هجوسي واللعانه=ودثريني لا طردتي لعنتي
في حضورك يرفع الإحساس شانه=وفي غيابك طاح عالي قمتي
من يهد طموح نفسي وعنفوانه=غير بُعدك وإن رحلتي بذمتي
من يطف الشمع ويكسر شمعدانه=غير هجرك من يكسّر دنيتي
ما كسيت القرب ثوب الأقحوانه=يشهد الله كنت اراود فرحتي
ولا مسكت الغدر بيدين الامانه=كل مافي الأمر كانت غلطتي
نايف شموخي ولا حب الإهانه=لويطيح الحظ تاقف عزتي
لكن الأحلام في الواقع حنانه=مايميّز لو فهمتي نظرتي
اكبر ذنوبي معك كانت ميانه = واصغر أذنوبي مجرد لهفتي
ذكرياتك طشّت افكاري زمانه=امطرك فكري وهلت عبرتي
ثم لبستك موقن وكلي رزانه=وابتدت مشوار دربك فكرتي
المسافة طاح من دونك عنانه=والسراب ارسل قوافل رحلتي
في محيط الملح ودموع الرعانه=تمتمت سبع البحور لدمعتي
وبين نود البُعد والبحر هيجانه=بينهم روحي تنازع كربتي
مبّحر ولالي مع الأفراح خانه=غير وصلك والاماني هقوتي
|
وفعلا تستاهل الاقتباس كاملا
قريت هنا شعرا وارتويت شعرا
عبد الله العتيبي بعيد عن المجاملات وعن انك من اجمل اصدقائي بحق انت شاعر ومبدع..
افتخر بأن اشيد بك وفي شعرررك .وش اقول ياعتيبي يخونني التعبير
المهم صح الله لسااانك ودمت وداام ابدااعك
أنت غير مسجل في منتديات الوئام . للتسجيل الرجاء إضغط هنـا
جمانة 
