سلام
من طبعي ما ارمي الاوساخ في الشارع واذا وصلت الي اقرب برميل ارمي كل الاوساخ . المهم
وانا راجع من الشغل ورايح للبيت قربت شوي من البرميل عشان الكيسة امتلت وودي ارميها وكنت ماسك الجوال بنفس اليد وبقدره قادر رميت الجوال |1| وتركت الكيس جنبي
:D :D :D :D ههههههههههههههه
تقدر تقولون اهبل
او لوح
او سطل
. المهم
وش السوات يا ابو خليل والبرميل كبير ومشخص بالثوب الابيض والشماغ حاط عليه علبة نشا وآخرتها ....
....زبالة....
...زبالة
طبعاً بعد نقاشات مع نفسي استغرقت 5 دقائق واتخذت القرار الحاسم
وهو الغوص في الزباله للبحث عن المجهول(يصلح اسم فلم )
طقيت اللطمه
وشمرت عن الثوب وطبيت في الزباله وبعد عملية استغرقت 10 ثواني تم الامساك بالجوال والضهور للحياة من جديد , والاهم من هذا وذاك تلفت قبل ما اطلع يمين يسار عشان محد يشوفني.
(اجمل ما في الحياة هي التجربة )
تحياتي للجميع
ملاحظة: الطنازه والتشمت ممنوع